ရခိုင်ကမ်းရိုးတန်းတလျှောက် ငါးရှားပါးလာမှုကြောင့်ရေလုပ်ငန်းရှင်များ နှင့် ရေလုပ်သားများ အခက်ကြုံ

မြန်မာနိုင်ငံ ရခိုင်ကမ်းရိုးတန်းတလျှောက်တွင် ရေနေသတ္တ၀ါများးရှားပါးလာမှုကြောင့် ပင်လယ်ငါးဖမ်း လုပ်ငန်းများဖြင့် အသက်မွေးဝမ်းကျောင်း လုပ်ကိုင်နေရသော ရခိုင်ဒေသမှ ရေလုပ်ငန်းရှင်များနှင့် ရေလုပ်သား များမှာ အခက်ကြုံတွေ့နေရကြောင်း ငါးလုပ်ငန်းရှင်တဦးပြောပြချက်အရ သိရှိရသည်။
“ကျွန်တော်တို့ဒေသဟာ အရင်တုန်းက ပင်လယ်ရေလုပ်ငန်းမှာ အောင်မြင်တဲ့ဒေသတခု ဖြစ်တော့ စီးပွါးရေးလုပ်ငန်းရှင်တွေ အမြောက်အများလာကြတယ်၊ တခြားဒေသက ငါးဖမ်း စက်လှေတွေ၊ ရေလုပ်ငန်းရှင် တွေ၊ ရေလုပ်သားတွေနဲ့ ပြည့်ညှပ်နေတာပဲ၊ ခုတော့ ဒီလိုမဟုတ်တော့ဘူး၊ ပင်လယ်ပြင်မှာလဲ ငါးဖမ်းမရတဲ့အထဲ ဆီဈေးနှုန်းကမြင့်၊ အလုပ်သမား စရိတ်ကလည်း ကြီးလာတော့ လုံးဝတွက်ခြေမကိုက်တော့ဘူး ” ဟု ကျောက်ဖြူမြို့နယ် ဇင်ချောင်းကျေးရွာမှ ငါးလုပ်ငန်းရှင်တဦးက နိရဉ္စရာသို့ပြောသည်။
ယင်းကဲ့သို့ ရခိုင်ကမ်းရိုးတန်းဒေသတွင် ငါးပုစွန်အပါအ၀င် ရေသတ္တ၀ါများ ရှားပါးလာမှု ပြဿနာများ နှင့် ကြုံတွေ့နေရသည်မှာ ကြာပြီဖြစ်ကြောင်း၊ ယခင် ဆယ်စုနှစ်များမှစ၍ အဆိုပါပြဿနာ အစပျိုးလာခဲ့ခြင်း ဖြစ်ကြောင်း သိရှိရသည်။
“ငါးရှားလာရတဲ့ အဓိကအကြောင်းကတော့ ၀ါးလတ်လို့ခေါ်တဲ့ ထိုင်းငါးဖမ်းလှေတွေကို ငါးဖမ်းခွင့် ပေးလိုက်ဒါကြောင့် ဖြစ်တယ်၊ အဲဒီ ငါးဖမ်းလှေတွေမှာပါတဲ့ ခေတ်မှီငါးဖမ်း ပိုက်တွေနဲ့ ဖမ်းလိုက်မယ်ဆိုရင် သိတဲ့အတိုင်းပဲ၊ ငါးအကြီးအငယ် အရွယ်အလတ် နောက်ဆုံး ရေမှိုပင်တောင်မကျန်ဘူး၊ ဒါကြောင့် ငါးမျိုးသုဉ်း လာတယ် ” ဟု သူက ဆက်ပြောသည်။
ယခုအခါ ရေလုပ်ငန်းအပေါ် မှီခိုအားထားနိုင်မှု ကင်းမဲ့လာခြင်းကြောင့် ရေလုပ်ငန်းရှင်များသာ မက ရေလုပ်သားများပါ အသက်မွေးဝမ်းကျောင်းမှု ပုံစံပြောင်းလဲလာပြီး တခြားကျွမ်းကျင်မှုမရှိသော လုပ်ငန်းခွင်များ တွင် ၀င်ရောက်လုပ်ကိုင်နေရခြင်း၊ မိမိဒေသကို စွန့်ခွါပြီး တခြားဒေသများတွင် သွားရောက်လုပ်ကိုင်နေရခြင်း အပြင် နိုင်ငံခြားတိုင်းပြည်များသို့ တရား မ၀င်ခိုးဝင်ပြီး အလုပ် လုပ်ကိုင်နေရကြောင်း သိရှိရသည်။
“အရင်တုန်းကဆိုရင် ကျွန်တော်တို့ဒေသမှာ ပင်လယ်ပြင်ကို ထွက်လိုက်တာနဲ့ ငါးရတယ်၊ ရလာတဲ့ ငါးတွေကိုရောင်းချပြီးတော့ မိသားစုစားဝတ်နေရေးကို ဖြည့်ဆည်းပေးနိုင်တဲ့အပြင် သားသမီးတွေကို ပညာ သင်ပေးနိုင်တယ်၊ အခုတော့ ငါးရှာထွက်လဲ ငါးမရ၊ ဆီကုန်တာပဲ အမြတ်၊ ဆီဈေးနှုန်းကြီးတော့ တခေါက် ငါးဖမ်း ထွက်လိုက်တာနဲ့ တခေါက်ဖိုး အကြွေး တင်တယ်၊ ဒါကြောင့် ကျွန်တော်တို့ တံငါသည်တွေဟာ ” ဖေါင်စီးရင်း ရေငတ် “ဆိုသလို ” ငါရှာရင်း လှေကိ်ုပေါင် “ရတဲ့ကိန်းနဲ့ ကြုံတွေ့နေရတယ် ”ဟု အဆိုပါဒေသမှ ရေလုပ် သားကြီးတဦးက ပြောပြသည်။
ယခုအခါ ရခိုင်ပြည်နယ်အတွင်းရှိ ရေသတ္တ၀ါများရှားပါးလာမှုကြောင့် ဒေသခံတံငါသည်များမှာ မိမိတံငါလုပ်ငန်းများကို စွန့်လွတ်ပြီး နိုင်ငံခြားတိုင်းပြည်များဖြစ်သည့် ထိုင်းနိုင်ငံနှင့် မလေးရှားနိုင်ငံများတွင် သွားရောက်လုပ်ကိုင်နေကြရာ နောက်ပိုင်းတွင် သက်ဆိုင်ရာနိုင်ငံ အာဏာပိုင်များ၏ ဖမ်းဆီးခြင်းကို ခံနေရသည့် အပြင် အလုပ်အကိုင်အခွင့်အလမ်း အကန့် အသတ်ရှိလာမှုတို့ကြောင့် တိုင်းတပါးတွင်လည်း အလုပ်အကိုင် အဆင်မပြေဖြစ်နေကြကာ အခက်အခဲများစွာနှင့် ရင်ဆိုင်နေကြရကြောင်း စုံးစမ်းသိရှိရသည်။
မောင်ရမ္မာ(နိရဉ္စရာ)

ရခိုင်ပြည်အတွင်း မဲရလဒ်

မောင်အေး(နိရဉ္စရာ) မေလ-၁၀ ရက်နေ့က ကျင်းပပြုလုပ်ခဲ့သည့် နအဖ စစ်အစိုးရ၏ တဘက်သတ် ပြည်သူ့ဆန္ဒ ခံယူပွဲတွင် ရခိုင်ပြည်နယ် မြို့နယ်တချို့မှ ရရှိသည့် မဲရလာဒ်များကို မြို့နယ် ကော်မရှင်များက ထုတ်ပြန်ကျေညာရာ ထိုမဲရလဒ်များမှာ အောက်ပါ အတိုင်းဖြစ်သည်။
ဂွမြို့နယ်တွင် မဲပေးပိုင်ခွင့်ရှိသူအရေ အတွက်မှာ ၂၄၅၇၉-ဦးရှိပြီး မဲပေးသူအရေအတွက်မှာ ၂၄၅၁၅-ဦး ရှိသည်၊ ထိုအထဲတွင် ထေက်ခံမဲ ၁၉၂၆၄-မဲ၊ ကန့်ကွက်မဲ ၄၄၃၃-မဲနှင့် ပါယ်မဲ ၈၁၈-မဲရှိကြောင်း သိရှိ ရသည်။
ကျိန္တလီ မြို့နယ်ခွဲ မဲဆန္ဒ နယ်မြေတွင် မဲပေးပိုင်ခွင့် ရှိသူ ၁၅၃၈၅-ဦး၊ လာရောက်မဲပေးသူ ၁၅၃၈၂-ဦးရှိသည်။ ထိုအထဲတွင် ထောက်ခံမဲ ၁၂၇၀၅-ဦး၊ ကန့်ကွက်မဲ၂၄၀၉-မဲနှင့် ပါယ်မဲ၂၆၈ မဲရှိကြောင်း သိရှိရသည်။
ရခိုင်ပြည်နယ် အနောက်ဘက် နယ်စပ်မောင်တောမြို့နယ်တွင် မဲပေးပိုင်ခွင့်ရှိသူ အရေ အတွက်မှာ ၂၄၇၇၈၆-ဦးပြီး မဲရုံများသို့ လာရောက်မဲပေးသူအရေအတွက်မှာ ၁၆၈၁၂၅-ဦး ရှိသည်၊ မြို့နယ် ကော်မရှင် ဥက္ကဌက မောင်တောမြို့နယ်တွင် ၉၀ ရာခိုင်နုန်းကျော် ထောက်ခံမဲပေးခဲ့ကြောင်း ယမန်နေ့က ထုတ်ဖေါ်ကျေညာသည်။
ကျောက်ဖြူမြို့နယ်တွင် မဲပေးနိုင်သူ ၇၈၆၈၂-ဦးရှိပြီး လာရောက်မဲပေးသူ အရေအတွက်မှာ ၄၅၂၈၂-ဦးရှိသည်။ သို့သော် မဲရလဒ်ကို သိရှိရခြင်း မရှိသေးပါ၊
မအီမြို့သစ် မဲဆန္ဒနယ်မြေတွင် ၄၂၃၃၆-ဦးမဲပေးပိုင်ခွင့်ရှိပြီး လာရောက်မဲပေးသူများမှာ ၃၈၉၉၀-ဦး ရှိသည်။
ပလက်ဝမြို့ပေါ်တွင် မဲဆန္ဒရှင် ၃၉၀၁-ဦးရှိပြီး မဲရုံများသို့ လာရောက်မဲပေးသူများမှာ ၂၀၅၅-ဦးရှိခဲ့ကြပြီး ကန့်ကွက်မဲ ၄၄၈-နှင့် ထောက်ခံမဲ ၃၄၅၃- ရှိသည်။ အန္ဒိယနယ်စပ်ရှိ ကျေးရွာတချို့တွင် ရခိုင်ပြည် လွတ်မြောက်ရေး တပ်မတော်မှ မဲစာရွက်များကို ၀င်ရောက် သိမ်းဆည်းသွားသဖြင့် ဆန္ဒခံယူပွဲကို ရပ်တန့်ထားခဲ့ရကြောင်း သိရှိရသည်။
မာန်အောင်မြို့နယ်တွင် မဲဆန္ဒရှင်စုစုပေါင်း ၂၆၇၇၀-ဦးရှိပြီး လာရောက်မဲပေးသူများမှာ ၁၅၅၆၆-ဦးရှိသည်။ မဲရလဒ်ကိုမူ ယခုအချိန်ထိ မသိရှိရသေးပါ၊
သံတွဲမြို့ပေါ်ရှိ မဲဆန္ဒရှင် ၇၁၂၇၈-ဦးရှိပြီး လာရောက်ဆန္ဒမဲပေးသူ ၇၁၂၇၀-ဦးရှိသည်။ ထိုထဲမှ ထောက်ခံမဲ ၅၆၁၇၈-မဲ၊ ကန့်ကွက်မဲ ၁၁၆၇၅-မဲနှင့် ပါယ်မဲ ၃၄၁၇-မဲ ရှိသည်။
ရခိုင်ပြည်နယ်တွင် အနောက်ပိုင်းတိုင်း စစ်ဌာနချုပ် အခြေစိုက်သည့် အမ်းမြို့နယ်တွင် မဲဆန္ဒ ရှင် ၅၆၈၁၄-ဦးရှိပြီး လာရောက်မဲပေးသူစုစုပေါင်းမှာ ၂၆၁၁၆-ရှိခဲ့သည်။ ထိ်ုအထဲမှ ထောက်ခံမဲ ၂၅၅၉၆-နှင့် ကန့်ကွက်မဲ ၄၈၉-မဲ ပါယ်မဲ ၃၁-မဲ ပေးခဲ့ကြသည်။
ရမ်းဗြဲမြို့နယ်တွင် မဲဆန္ဒရှင် ၆၄၇၈၉-ဦးရှိပြီး လာရောက်မဲပေးသူမှာ ၅၈၃၂၄ -ဦးရှိသည်။ ထိုအထဲမှ ထောက်ခံမဲ ၃၇၂၀၉ မဲနှင့် ကန့်ကွက်မဲ ၁၈၈၀၆-မဲရှိကာ ၂၃၀၉-ဦးမှာ လာရောက်မဲပေးခြင်း မရှိကြောင်း သိရှိရသည်။
မြေပုံမြို့နယ်တွင် မဲဆန္ဒရှင် ၆၆၄၉၄-မဲရှိပြီး လာရောက်မဲပေးသူအရေအတွက်မှာ ၆၅၀၄၁ ဥိးရှီသည်၊ ထိုအထဲမှ ကန့်ကွက်မဲ ၁၂၈၆၅-မဲ၊ ထောက်ခံမဲ ၄၉၁၈၉-မဲနှင့် ပါယ်မဲ ၂၉၈၇ မဲရှိခဲ့ကြောင်း သိရှိရသည်။
စစ်တွေမြို့ပေါ်ရပ်ကွက် ၃၁ ခုတွင် မိဇံနှင့် ဗျိုင်းဖြူရွာတွင် ဆန့်ကျင် ကန့်ကွက်မဲ ပိုများခဲ့ပြီး တခြားရပ်ကွက်များတွင် နအဖ စစ်အစိုးရမှ အနိင်ရရှိသွားခဲ့သည်။
တဆက်တည်းတွင်းလည်း ကျန်ရှိနေသည့် မြို့နယ်တချို့မှ မဲရလာဒ်များကို အသေးစိပ် ဖော်ပြပေးနိုင်ရန် နိရဉ္စရာမှ ဆက်လက်စုံးစမ်းလျှက် ရှိပါသည်။