ဒိုင်းနက် အမျိုးသား တော်လှန်ရေး ခေါင်းဆောင် ဦးစိန်လှမောင် ကွယ်လွန်
7/17/2010
မောင်အေး
ရခိုင်ပြည် အမျိုးသား တော်လှန်ရေးတွင် တစိုက်မတ်မတ် ပါဝင်ခဲ့သူ ဒိုင်းနက် အမျိုးသား ခေါင်းဆောင် တော်လှန်ရေး သမားကြီး ဦးစိန်လှမောင်သည် ဇူလိုင်လ ၄ ရက် တနင်္ဂနွေနေ့က လူကြီးရောဂါဖြင့် ဘင်္ဂလား-မြန်မာ နယ်စပ် တနေရာတွင် ကွယ်လွန်သွားကြောင်း သတင်း ရရှိသည်။
ဦးစိန်လှမောင်သည် ၁၉၆၆ ခုနှစ်တွင် ရခိုင်ပြည် အမျိုးသား လွတ်မြောက်ရေးပါတီ (ရမလပ) သို့ ၀င်ရောက်ခဲ့ပြီး ရခိုင် တော်လှန်ရေး လမ်းကြောင်းတွင် စတင် ခြေချခဲ့သည်။ ၎င်းနောက်ပိုင်း ပါတီများ ပေါင်းစည်းပြီးနောက် ရခိုင်ပြည်အမျိုးသား ညီညွတ်ရေးပါတီ(NUPA)တွင် ပါတီဝင် တဦး ဖြစ်လာကာ ၂၀၀၀ ခုနှစ်တွင် ဗဟို ကော်မီတီ အဆင့်ထိ တာဝန်ထမ်း ပေးအပ်ခြင်း ခံခဲ့ရသည်။
ဦးစိန်လှမောင်မှာ ဒိုင်းနက် အမျိုးသား တဦးဖြစ်ပြီး သူ့၏ အမျိုးသားများ အပေါ် သြဇာရှိကာ သေဆုံးချိန်ထိ ဒိုင်းနက် အမျိုးသားများ၏ လေးစားယုံကြည်မှုကို ရရှိခဲ့သူဖြစ်သည်။
“ ဦးစိန်လှမောင် ကျဆုံးသွားတာဟာ ရခိုင်အမျိုးသား တော်လှန်ရေးမှာ ရဲဘော်ကောင်း တဦး ကျဆုံး သွားတာဖြစ်တဲ့ အတွက် ၀မ်းနည်းဖို့ကောင်းပါတယ်။ သူ့ ညီတွေက မြန်မာနိုင်ငံကို ပြန်ဖို့ လာခေါ် ခဲ့ပေမဲ့ ရန်သူ့ထံ ဒူးမထောက်လိုတဲ့ အတွက် လိုက်မသွားဘူး။ နောက်ဆုံးအချိန်ထိ အမျိုးသား တော်လှန်ရေး အပေါ်မှာ သစ္စာရှိရှိ ရပ်တည်ခဲ့တဲ့ တော်လှန်ရေး သမားတဦး ဖြစ်ပါတယ်” ဟု သူ၏ လုပ် ဖော်ကိုင်ဖက် တဦးဖြစ်သူ ရခိုင်ပြည် အမျိုးသား ညီညွှတ်ရေး ပါတီမှ တပ်မှူး ဦးမောင်စောယဉ်က ပြောသည်။
၎င်းပြင် ရမလ ပါတီမှ ခေါင်းဆောင်ဟောင်း တဦး ဖြစ်သူ ဦးဘတင်ကလည်း “သူ့ကတော့ တကယ့် လေးစားဖို့ ကောင်းတဲ့ တော်လှန်ရေး ရဲဘော်တဦး ဖြစ်တယ်။ ပြီးတော့ သူဟာ ပညာမတတ်ပေမဲ့ ရိုးသားတဲ့ အတွက် လူတိုင်းက ခင်မင်ကြတယ်။ ပါတီတာဝန်ကိုလည်း ဘယ်အချိန်ခါဆို ကျေပွန် အောင် ထမ်းဆောင်ခဲ့သူ တဦး ဖြစ်ပါ တယ်။ ဒိုင်းနက်အမျိုးသားတွေကိုလည်း သူစည်းရုံးနိုင် ခဲ့ပါတယ်။ တကယ့် တော်လှန်ရေး ရဲဘော်ကောင်း တဦး ဖြစ်တယ်။”ဟု ပြောသည်။
ဦးစိန်လှမောင်သာ် ၁၉၇၂ ခုနှစ်က ရမလပ ပါတီမှ စကားပြန် အဖြစ် တာဝန်ပေးချက် အရ အိန္ဒိယ အစိုးရနှင့် ဆက်သွယ်ရန် လိုက်ပါသွားခဲ့ရာ အိန္ဒိယအစိုးရမှ မီဇူရမ်ပြည်နယ် တွင်ဖမ်းဆီးပြီး တမူးဘက်မှ နေပြီး မြန်မာ စစ်တပ်သို့ လွဲပြောင်း ပေးအပ် ခံခဲ့ရသည်။
မြန်မာ့ စစ်တပ်မှ သတ်ပစ်ရန် စီစဉ်နေချိန်တွင် ရခိုင် စစ်ဗိုလ် တဦး၏ အကူအညီမူဖြင့် အသက်ဘေးက ပြန်လည် လွတ်မြောက်လာခဲ့သူ ဖြစ်သည်။
သူ့ဘ၀တွင် အိမ်ထောင် နှစ်ဆက်ကျခဲ့ပြီး ပထမ အိမ်တောင်မှာ သူ့၏ ဇာတိ ကျေးရွာ တောင်မော်ကျေးရွာမှ ဒိုင်းနက် အမျိုးသမီး တဦးနှင့် ဖြစ်ပြီး ဒုတိယအိမ်ထောင်မှာ ဘင်္ဂလီ အမျိုးသမီး ခွီးချိဒါဆိုသူနှင့် ဖြစ်ကာ သမီးတဦး ရရှိခဲ့သည်။ သို့သော်လည်း နောက်ပိုင်းတွင် ကွာရှင်းခဲ့ပြီး နှစ်ပေါင်းများစွာ တဦးတည်း နေထိုင်ခဲ့သည်။
ဦးစိန်လှမောင် ကွယ်လွန်ချိန်တွင် အသက် ၇၂ နှစ်ရှိပြီးဖြစ်ကြောင်း သိရသည်။
