ရခိုင်အမျိုးသမီး ဥက္ကဌမှ ကုလ လူ့အခွင့်အရေး ကိုယ်စားလှယ်ထံ စာပို့

ရခိုင်အမျိုးသမီးများ အစည်းအရုံး (RWU) ဥက္ကဌ စောမြရာဇာလင်းမှ မြန်မာနိုင်ငံဆိုင်ရာ ကုလ လူ့အခွင့်အရေး ကိုယ်စားလှယ် မစ္စတာ ကင်တေးနား ထံသို့ ယမန်နေ့က စာတစောင် ရေးသား ပေးပို့လိုက်သည်။

မစ္စတာ ကင်တေးနားထံ စာပေးပို့ရခြင်း၏ ရည်ရွှယ်ချက်ကို ရခိုင်အမျိုးသမီးများ အစည်းအရုံးမှ ဥက္ကဌဖြစ်သူ ဒေါ်စောမြရာဇာလင်းက ယခုကဲ့သို့ပြောသည်။

“ပထမဆုံးအနေနဲ့ပြောချင်တာကတော့ ကုလ လူ့အခွင့်အရး ကိုယ်စားလှယ် တယောက်အနေနဲ့ မြန်မာနိုင်ငံ ခရီးစဉ်မှာ ရခိုင်ပြည်ကို သွားရောက် လည်ပတ်မယ့် အစီအစဉ် ရှိတယ်ဆိုတာကို သိရတဲ့အတွက် ဝမ်းသာမိပါတယ်။ ဒါပေမယ့် ဒီရခိုင်ပြည်ကို သွားရောက်တဲ့ အချိန်မှာ လူမျိုးစုတခု၊ ဒေသတခုအတွက် အဓိက ပစ်မှတ်ထားပြီး သွားတာထက် ရခိုင်ပြည်တခုလုံးမှာ နေထိုင်တဲ့ လူမျိုးပေါင်းစုံရဲ့ အရေးကို ပစ်မှတ်ထားဖို့လိုတယ်လို့ မြင်မိတယ်လေ။ ဒါကြောင့်ရခိုင်ပြည်နယ်မှာ နေထိုင်နေကြတဲ့ လူမျိုးတွေ အားလုံးရဲ့ အရေးကို အာရုံစူးစိုက် လုပ်ကိုင်စေလိုတဲ့ အတွက် သူ့ဆီကို ခုလို စာပေးပို့တာ ဖြစ်ပါတယ်။”

ယခုကဲ့သို့ စာပေးပို့သည့် အတွက် ကုလ လူ့အခွင့်အရေး ကိုယ်စားများအနေဖြင့် ရခိုင်ပြည် နယ်ရှိ လူမျိုးပေါင်းစုံ ပြည်သူများ၏ လူ့အခွင့်အရေး ချိုးဖေါက်ခံနေရမူ အခြေအနေများကို ပိုမို အလေးထား လာနိုင်သည်ဟု သူမက ဆက်ပြောသည်။

“ဘာကိစ္စမဆို မပြောဘဲနေရင် ဘာမှဖြစ်လာမှာ မဟုတ်ဘူး။ သူတို့ မသိသေးတာကို သိအောင် ပြောရမယ်။ သိသင့်တာတွေကို သိအောင် တင်ပြရမယ်။ ဒီလို လုပ်တဲ့ အတွက် ကုလ လူ့အခွင့် အရေး ကိုယ်စားလှယ်တွေအနေနဲ့ ရခိုင်ပြည်မှာ လူ့အခွင့်အရေး ချိုးဖေါက် ခံနေရ တာတွေကို ပိုပြီးတော့ သတိထားလာမယ်။ အရင်ထက်ပိုပြီး လူ့အခွင့်အရေးကိစ္စတွေကို အလေးထား လာလိမ့်မယ်လို့လည်း မျှော်လင့်ပါတယ်။”

၎င်းပြင် သူမက“ ရခိုင်ပြည်မှာ မှီတင်းနေထိုင်တဲ့ ရခိုင်တွေအပါအဝင် ခမီး၊ ဒိုင်းန၊ မြို၊ ချင်းလူမျိုးတွေနဲ့ တခြားတခြားသော လူမျိုးတွေ အားလုံးဟာ လူ့အခွင့်အရေးတွေ ချိုးဖေါက်ခံနေကြရတာ ဖြစ်ပါတယ်။ နအဖ စစ်အာဏာပိုင်တွေ လက်အောက်မှာ လူမျိုး တခု ဘာသာ တခုတည်းက ဖိနှိပ်ခံနေကြရတာ မဟုတ်ပါဘူး။ ရခိုင်ပြည်သူ အများစုရဲ့ လုပ်ကိုင် စားသောက် နေကြတဲ့ လယ်မြေတွေ အများကြီး အသိမ်းခံထားရတယ်။ ပြီးတော့ ရခိုင်ပြည်မှာ စက်ရုံ အလုပ်ရုံဆိုတာတွေဟာ လုံးဝ မရှိတော့ ရခိုင်ပြည်သူတွေ အတွက် ဘာမှလုပ်ကိုင် စားသောက် စရာမရှိဘူးဖြစ်လာတယ်။ ဒီတော့ အမျိုးသားတွေအနေနဲ့ နိုင်ငံခြားတိုင်းပြည်တွေသွားပြီး အလုပ် လုပ်ကိုင်နေကြရတယ်။ တချို့ကျေးရွာတွေမှာဆိုရင် လူသေလို့ အသုဘလိုက်ပို့ရင်တောင် မိန်းမတွေပဲ လိုက်ပို့ရတာတွေ ရှိတယ်။ ” ဟု ပြောသည်။

မစ္စတာ ကင်တေးနားထံသို့ သူမ ပေးပို့သော စာတွင် ရခိုင်ပြည်အတွင်း ချိုးဖေါက်ခံနေရသော လူ့အခွင့် အရေးများအနက် အရေးကြီးသော အကြောင်းအရာ ၆ခုကို ထည့်သွင်း ဖေါ်ပြထားသည်။

၎င်းတို့မှာ (၁) ရခိုင်ပြည်နယ် ရမ်းဗြဲ၊ ကျောက်ဖြူ၊ အမ်းစသော နေရာများတွင် ရခိုင်ပြည်သူများ၏ ဘိုးဘွားပိုင် လယ်မြေများမှာ ရေနံနှင့် သဘာဝဓာတ်ငွေ့ပိုက်လိုင်း တည်ဆောက်ရေးအတွက် သိမ်းဆည်ခံနေရခြင်း၊ (၂) ရခိုင်အမျိုးသားများအနေဖြင့် အလုပ်ရှားပါသောကြောင့် မိမိမြေကို စွန့်ခွာ နေကြရခြင်း၊ (၃) ရခိုင်ပြည်နယ်ရှိ မြို့နယ်၊ ကျေးရွာတိုင်းတွင် ကလေးစစ်သားများ ပိုမို စုဆောင်းခံနေရခြင်း၊ (၄) အတင်းအဓမ္မ အိမ်ထောင်ပြုခြင်းနှင့် မတရား မုဒိမ်း ကျင့်မှုများ ခံနေရခြင်း၊ (၅) မြောက်ဦးမြို့ရှိ သမိုင်းဝင် အမွေအနှစ်များနှင့် တခြားနေရာများရှိ ရှေးဟောင်း ယဉ်ကျေးမူ အမွေအနှစ်များ ဖျက်ဆီး ခံနေရခြင်းနှင့် သိမ်းဆည်းခံနေရခြင်း၊ (၆) ဒီမိုကရေစီအရေး လှုပ်ရှားသူများကို ဖမ်းဆီး ပြီး နှစ်ရှည်ထောင်ဒဏ်များ ချမှတ်နေခြင်း တို့ဖြစ်သည်။

မြန်မာနိုင်ငံဆိုင်ရာ ကုလ လူ့အခွင့်အရေး အထူးကိုယ်စားလှယ် မစ္စတာ ကင်တေးနားသည် ဖေဖေါ်ဝါရီ ၁၅ရက် နေ့မှ ၂၀ရက်နေ့အထိ မြန်မာနိုင်ငံသို့ လာရောက် လည်ပတ်မည်ဖြစ်ပြီး အဆိုပါ ခရီးစဉ်အတွင်း ရခိုင်ပြည်နယ်သို့ သွားရောက် လည်ပတ်မည် ဖြစ်သည်။
နိရဉ္စရာမှသတင်းမှ ဖြစ်သည်။

စိုင်းတင်ချောင်းကို သွားလာခွင့် ပိတ်ပြီ

ဘူးသီးတောင် မြို့နယ် စိုင်းတင်ချောင်းတွင် ရေအားလျှပ်စစ် စီမံကိန်းကို စတင် အကောင်အထည် ဖေါ်နေပြီ ဖြစ်သဖြင့် အဆိုပါ ဒေသ အနီးတ၀ိုက်သို့ အရပ်သားများ သွားလာခွင့်ကို ပိတ်ထားလိုက်ပြီ ဖြစ်သည်ဟု သိရသည်။

ဘူးသီးတောင်ဒေသခံ တဦးက “ ပိတ်ထားလိုက်တာက နည်းနည်းကြာနေပါပြီ။ စီမံကိန်းကို စတင် အကောင်အထည် ဖေါ်တဲ့ အောက်တိုဘာလ ကတည်းက ဖြစ်ပါတယ်။ အခု လူတွေ သွားလာလို့ မရတော့ပါဘူး” ဟု ပြောသည်။

စိုင်းတင်ချောင်းမှာ ဘင်္ဂလာနယ်စပ်မှ မြစ်ဖျားခံ စီးဆင်းလာသော ချောင်းတချောင်းဖြစ်ပြီး သစ်ဝါး အထူး ပေါက်ရာ ဖြစ်ထွန်းရာ ချောင်းတချောင်း ဖြစ်သည်။ အများစု ဒေသခံများမှာ အဆိုပါချောင်းမှ ထွက်ရှိသော ၀ါးနှင့် သစ်ကို မှီခိုအားထားကြရသည်။

“ ကျွန်တော်လည်း အတိအကျ မသိပါဘူး။ ဒေသခံတွေက ၀ါးတွေ သစ်တွေကို ဘယ်လို ထုတ်နေကြသလဲဆိုတာကို။ ဒါပေမယ့် သူတို့ တနည်းနည်းနဲ့တော့ ထုတ်နေကြတယ်ထင်တယ်။ ဘူးသီးတောင်မှာ စိုင်းတင်ဝါးတွေ ၀င်လာနေတာကို ဆက်လက်တွေ့နေရပါသေးတယ်” ဟုသူက ဆက်ပြောသည်။

စိုင်းတင်ချောင်းတွင် ရခိုင်ပြည်နယ်တွင် အကြီးမားဆုံး စိုင်းတင် ရေတံခွန် တည်ရှိပြီး အနယ်နယ် အရပ်ရပ်မှ ရခိုင်ပြည်သူများ စိုင်းတင်ရေတံခွန်ကို နှစ်စဉ်နှစ်တိုင်း သွားရောက် လည်ပတ် ကြလေ့ရှိသည်။

အခုအခါ နအဖ စစ်အစိုးရမှ အဆိုပါ ရေတံခွန်နေရာမှ ပိတ်ပြီး ရေအားလျှပ်စစ် ထုတ်လုပ်ရန် စီစဉ်နေသည်။ သက်ဆိုင်ရာ တာဝန်ရှိသူများ၏ ခန့်မှန်းချက်အရ အဆိုပါ စီမံကိန်းမှ လျှပ်စစ် မီဂါဝပ် (၇၀) ထိ ထုတ်လုပ်နိုင်မည် ဖြစ်သည်ဟု ခန့်မှန်းထားသည်။

အမှတ် (၁) လျှပ်စစ်ဝန်ကြီး ဇော်မင်းမှ ရခိုင်ပြည်နယ် တခုလုံးတွင် လက်ရှိ တနေ့ မီဂါဝပ် ၃၀ သာ သုံးသဖြင့် ပိုလျှံနေသော လျှပ်စစ်ကို တခြားပြည်နယ်နှင့် တိုင်းများသို့ ဖြန့်ဖြူး ရောင်းချသွားမည်ဟု ပြောကြားထားသည်။

အိမ်နီးချင်း ဘင်္ဂလာဒေခ်ျ့နိုင်ငံမှ စိုင်းတင်မှ ထုတ်လုပ်သည့် ရေအားလျှပ်စစ်ကို ၀ယ်ယူပြီး သူ့နိုင်ငံအတွက် လိုလားသော လျှပ်စစ် စွမ်းအင်ကို ဖြည့်တင်း လိုနေသည်ဟု သိရသည်။

ယခုအခါ စီမံကိန်းအတွက် စက်ကရိယာများနှင့် လိုအပ်သော ပစ္စည်းများကို စစ်တွေမှ တဆင့် သင်္ဘောများဖြင့် နေ့စဉ်တင်ပို့နေပြီး စီမံကိန်းရုံးအများအပြားကိုလည်း တည်ဆောက်နေသည်ဟု သိရသည်။

စိုင်းတင် ရေအားလျှပ်စစ်စီမံကိန်းကို မြန်မာနိုင်ငံ လွတ်လပ်ရေး ရရှိပြီးစ ဖဆပလ အစိုးရလက်ထက်က တကြိမ်နှင့် န၀တ အစိုးရ အာဏာရရှိလာသည့် အချိန်က တကြိမ် တည်ဆောက်ရန် ကြိုးပမ်းခဲ့သည်။ သို့သော်လည်း အကြောင်း အမျိုးမျိုးကြောင့် စီမံကိန်းကို ရပ်ဆိုင်းပစ်ခဲ့ရသည်။ ခုတကြိမ်သည် တတိယ အကြိမ်မြှောက် ဖြစ်သည်။
နိရဉ္စရာမှသတင်းမှ ဖြစ်သည်။