ဒုက္ခသည်များ ဘဝသစ်စရေး ထိုင်း အကူအညီတောင်း
စိုင်းဇွမ်ဆိုင်း Friday, June 25, 2010
ထိုင်းနိုင်ငံရောက် ဒုက္ခသည်များ၊ ရွှေ့ပြောင်း အလုပ်သမားများ မိမိနိုင်ငံသို့ ပြန်လည် ရောက်ရှိပါက ဘဝကို လွယ်ကူစွာ ပြန်လည် စတင်နိုင်ရန် သင်တန်းပေးမည့် အစီအစဉ် အတွက် ဥရောပ သမဂ္ဂ (EU) ကို ထိုင်းနိုင်ငံခြားရေး ဝန်ကြီးက အကူအညီ တောင်းခံကြောင်း သိရသည်။

“မြန်မာ ဒုက္ခသည်တွေကို သင်တန်းပေးဖို့အတွက် EU ဆီက အကူအညီတွေကို ထိုင်းအစိုးရက တောင်းခံပေးမှာ ဖြစ် ပါတယ်”ဟု ထိုင်းနိုင်ငံခြားရေးဝန်ကြီး မစ္စတာ ကဆစ် ဖိရုမ်းက ယမန်နေ့တွင် ဘန်ကောက်မြို့ရှိ EU ရုံးချုပ်၌ ပြော ကြောင်း သိရသည်။

EU ထံမှ အကူအညီတောင်းခံမှုကို မစ္စတာ ကဆစ် သည် ဘယ်လ်ဂျီယံ ခရီးစဉ်အတွင်း EU ၏ နိုင်ငံတကာ ပူးပေါင်း ဆောင်ရွက်ရေး၊ စာနာထောက်ထားသော အကူအညီပေးရေးနှင့် အကျပ်အတည်းများ တုံ့ပြန်ရေးဆိုင်ရာမဟာမင်းကြီး မစ္စ ခရစ္စတာလီနာ ဂျော်ဂျီဗာ ထံသို့ ပေးပို့ခဲ့ခြင်းဖြစ်ကြောင်း ယမန်နေ့ထုတ် ဘန်ကောက်ပို့စ် သတင်းစာတွင် ဖော်ပြ ထားသည်။

မစ္စတာ ကဆစ် ဖိရုမ်းက ထိုင်းမြန်မာ နယ်စပ်ရှိ ဒုက္ခသည် စခန်းများမှ ဒုက္ခသည်များနှင့် မြန်မာရွှေ့ပြောင်း အလုပ် သမား များ အရေးကိုဆောင်ရွက်နေသော အဖွဲ့အစည်းများသည် အကူအညီလိုအပ်နေကြောင်း ဖော်ပြချက်လည်း သတင်းစာတွင် ပါရှိသည်။

စစ်အစိုးရကျင်းပမည့် ၂၀၁၀ ရွေးကောက်ပွဲအပြီးတွင် ထိုင်းအစိုးရက ဒုက္ခသည်များနှင့် ရွှေ့ပြောင်းအလုပ်သမားများ ကို ပြန်လည် ပို့ဆောင်ဖွယ်ရှိကြောင်း သိရသည်။

မစ္စတာ ကဆစ် ဖိရုမ်းက “မြန်မာအစိုးရက ရွေးကောက်ပွဲကို ဒီနှစ်နှောင်းပိုင်းမှာ ကျင်းပမယ်ဆိုတော့ ကျနော်တို့ အနေ နဲ့ မြန်မာနိုင်ငံပြင်ပမှာ နေထိုင်နေရသူတွေ အိမ်ကို ချောချောမွေ့မွေ့ပြန်နိုင်ဖို့နဲ့ သူတို့ဘဝတွေ ကောင်းကောင်းမွန်မွန် ပြန်စနိုင်ဖို့ ကူညီ သင့်တယ်လို့ ထင်ပါတယ်”ဟု ဆိုသည်။

ထိုင်း-မြန်မာ နယ်စပ်တလျှောက် ကူညီစောင့်ရှောက်ရေး ညွန့်ပေါင်းအဖွဲ့(TBBC) ၏ ဒုတိယ ညွှန်ကြားရေးမှူး မစ္စ ဆယ်လီ သော်မဆင် က “တရက်ရက်မှာ ဒီ ဒုက္ခသည်တွေကို ပြန်ပို့တော့မယ်ဆိုရင် သူတို့ရဲ့ ဘဝတွေကို အစီအစဉ် တကျ နေတတ်အောင် NGO တွေကနေ ဒုက္ခသည်တွေကို ပညာပေး၊ သင်တန်းပေးတဲ့ အစီအစဉ်ပေါင်း ၆၀ ကျော် ရှိပါတယ်၊ ဒီအစီအစဉ်တွေက ဒုက္ခသည်တွေအတွက် အခွင့်အလမ်းကောင်းတရပ် ဖြစ်မယ်လို့ ကျမတို့ မျှော်လင့်ပါ တယ်”ဟု ဧရာဝတီ သို့ ပြောသည်။

ထိုင်းနိုင်ငံသည် ဒုက္ခသည်များကို အချိန်အတိုင်းအတာ တခုအထိ ယာယီလက်ခံ ထားသော်လည်း တနေ့တွင် သက်ဆိုင်ရာ နိုင်ငံသို့ ပြန်ပို့ရန် မူဝါဒ ရှိပြီး ဖြစ်ကြောင်း၊ မြန်မာနိုင်ငံတွင် အခြေအနေများ ငြိမ်းချမ်းသွားပါက ဒုက္ခ သည်များ ကိုယ်တိုင်ကလည်း ပြန်လိုကြောင်း ဆယ်လီ သော်မဆင်က ပြောသည်။

ထိုင်းနိုင်ငံ အခြေစိုက် နယ်ခြားမဲ့ မိတ်ဆွေများ အဖွဲ့ (Friends Without Border) မှ ထိုင်းလူမျိုး ညွှန်ကြားရေးမှူး မစ္စ ပင်မ် ကွက်ဆဝမ် ကမူ “မစ္စတာ ကဆစ် ဟာ ပြက်လုံးတခုပြောနေတာ ဖြစ်ပါလိမ့်မယ်။ ထိုင်းအစိုးရက ဒီ ရွေးကောက် ပွဲ ကို မြင်ရုံနဲ့ ဘယ်လိုလုပ်ပြီး ဒုက္ခသည်တွေ၊ ရွှေ့ပြောင်း အလုပ်သမားတွေကို ပြန်ပို့ဖို့ စဉ်းစားမှာလဲ။ တကယ်လို့ စစ်အစိုးရလုပ်မယ့် ရွေးကောက်ပွဲက လွတ်လပ်ပြီး တရားမျှတခဲ့မယ် ဆိုရင်တောင်မှ တိုင်းရင်းသား နယ်မြေတွေမှာ ဖြစ်နေတဲ့ ပြည်တွင်း စစ်ပွဲတွေကို ဘယ်လို ဖြေရှင်းပေးနိုင်မှာလဲ”ဟု ဆိုသည်။

EU နှင့် ထိုင်းနိုင်ငံသည် စစ်အစိုးရကျင်းပမည့် ၂၀၁၀ ရွေးကောက်ပွဲကို ဒီမိုကရေစီအတွက် ပထမခြေလှမ်းဟု သဘော ထားကြသည့်တိုင် နိုင်ငံရေး အကျဉ်းသားအားလုံး လွှတ်ပေးရန်နှင့် အများယုံကြည်မှုရှိသော ရွေးကောက်ပွဲ ဖြစ်စေရန် တောင်းဆိုနေရဆဲဖြစ်သည်။

ရှမ်းပြည် မြောက်ပိုင်း ကိုးကန့် ဒေသ ဘက်တွင် မူးယစ်ဆေးဝါး ထုတ်လုပ်မှု လျော့နည်းသွား သော်လည်း ရှမ်းပြည်နယ် မြောက်ပိုင်းရှိ အခြားဒေသ များနှင့် အရှေ့ပိုင်း၊ တောင်ပိုင်းတို့တွင် ဘိန်းစိုက်ပျိုးမှု ပိုမို တိုးချဲ့လာကြောင်း သိရသည်။

[ရှမ်းပြည်နယ်အတွင်းရှိ စိုက်ပျိုးထားသော ဘိန်းခင်းတချို့ကို စစ်အစိုးရ စစ်တပ်က ဖျက်ဆီးနေစဉ် (ဓာတ်ပုံ - AP)]

ရှမ်းပြည်နယ်အတွင်းရှိ စိုက်ပျိုးထားသော ဘိန်းခင်းတချို့ကို စစ်အစိုးရ စစ်တပ်က ဖျက်ဆီးနေစဉ် (ဓာတ်ပုံ - AP)
ထိုင်းနိုင်ငံ၊ ဘန်ကောက်မြို့ရှိ နိုင်ငံခြား သတင်းထောက်များ ကလပ် (FCCT) ၌ ကုလသမဂ္ဂ မူးယစ်ဆေးဝါးနှင့် ရာဇဝတ်မှု ဆိုင်ရာရုံး (UNODC)က World Drug Report 2010 အစီရင်ခံစာနှင့် ပတ်သက်၍ ယမန်နေ့က သတင်းစာ ရှင်းလင်းပွဲတွင် UNODC အရှေ့အာရှနှင့် ပစိဖိတ် ဒေသ တာဝန်ခံ မစ္စတာ ဂယ်ရီ လူးဝစ်က ထည့်သွင်း ပြောကြား သွားခြင်း ဖြစ်သည်။

ဂယ်ရီ လူးဝစ်က “အရင်က ကိုးကန့်ဒေသဟာ မူးယစ်ဆေးဝါး အကြီးအကျယ် ထုတ်လုပ်တဲ့ နေရာဖြစ်ခဲ့ပေမယ့် အခုတော့ တော်တော် လျော့ကျသွားပါပြီ။ ဒါပေမယ့် ရှမ်းပြည်တောင်ပိုင်း၊ မြောက်ပိုင်းနဲ့ အရှေ့ပိုင်းတွေက အကြီးအကျယ် ထုတ်လုပ် လာနေတာကို တွေ့ရတယ်။ ၂၀၀၉ ခုနှစ် တနှစ်တည်းမှာတင် ရှမ်းပြည်နယ်မှာ မက်သာအဖက်တမင်း စိတ်ကြွဆေးပြား ၂၃ သန်း ဖမ်းဆီးရမိတာကို ထောက်ရင် သိနိုင်ပါတယ်”ဟု သတင်းထောက်များသို့ ပြောသည်။

စစ်အစိုးရက ဘိန်းခင်း ဖျက်ဆီးမှုများ၊ ဖမ်းဆီးမှုများ ပြုလုပ်နေသော်လည်း မူးယစ်ဆေးဝါး ထွက်ရှိမှု လျော့ကျသည်ဟု မဆိုနိုင်ကြောင်း၊ ရှမ်းပြည် တောင်ပိုင်းတွင် တောင်ကြီးဝန်းကျင်၊ အရှေ့ပိုင်းတွင် ကျိုင်းတုံနှင့် မြောက်ပိုင်းတွင် လားရှိုးတို့၌ အကြီးအကျယ် ထုပ်လုပ်လျက်ရှိကြောင်း မြေပုံကားချပ်များဖြင့် ရှင်းလင်းပြသွားသည်။

ရှမ်းပြည်နယ်အတွင်း ၂၀၀၅ ခုနှစ်က ဘိန်းစိုက်ခင်း ဧရိယာ ၁၈,၈၁၀ ဟက်ကာ ရှိခဲ့ရာမှ ၂၀၀၉ ခုနှစ်တွင် ဧရိယာ ၄၀,၀၀၀ ဟက်ကာအထိ တိုးချဲ့ စိုက်ပျိုးလာသည်ဟု အစီရင်ခံစာတွင် ဖော်ပြထားသည်။

မြန်မာနိုင်ငံသည် မက်သာအဖက်တမင်း စိတ်ကြွဆေးပြား ထုတ်လုပ်ရာ၌ အာဖဂန်နစ္စတန်ပြီးလျှင် ဒုတိယ အများဆုံး နိုင်ငံ ဖြစ်သည်ဟု သိရသည်။

၂၀၀၉ ခုနှစ်တွင် အာဖဂန်နစ္စတန်က မူးယစ်ဆေးဝါး ထုတ်လုပ်မှု အများဆုံးဖြစ်ပြီး မက်ထရစ်တန်ချိန် ၆၉၀၀ (စုစုပေါင်း ထုတ်လုပ်မှု၏ ၈၉ ရာခိုင်နှုန်း) ရှိသည်။ မြန်မာက ဒုတိယ အများဆုံးအဖြစ် မက်ထရစ်တန်ချိန် ၃၃၀ ထုတ်လုပ်ခဲ့ပြီး တတိယ အများဆုံး မက္ကဆီကိုနှင့် ကိုလံဘီယာက မက်ထရစ်တန် ၃၂၅ တန် ထုတ်လုပ်ခဲ့သည်။

အာဖဂန်နစ္စတန်မှ ထုတ်လုပ်သော မူးယစ်ဆေးဝါးများကို အီရန် ရုရှားနှင့် အနောက်ဥရောပ နိုင်ငံများသို့ အဓိက တင်သွင်း သည်။

မူးယစ်ဆေးဝါး ဖမ်းဆီးမှုများရှိသော်လည်း အမှန်တကယ် ထုတ်လုပ်မှု၏ ၂ ရာခိုင်နှုန်းခန့်သာ ရှိသည်ဟုလည်း အစီရင်ခံစာက ဖော်ပြထားသည်။

မြန်မာနိုင်ငံမှ ထွက်ရှိသော မက်သာအဖက်တမင်း ဆေးပြားများသည်လည်း နယ်စပ်ဒေသများမှ တဆင့် မူးယစ်ဆေးဝါး ဖောက်သည်များရှိရာ ကမ္ဘာအနှံ့အပြားသို့ ရောက်ရှိသွားသည်။

ဂယ်ရီ လူးဝစ်က ကုလသမဂ္ဂ အဖွဲ့အစည်းများ အနေဖြင့် မြန်မာနိုင်ငံတွင် မူးယစ်ဆေးဝါး ထုတ်လုပ်မှု ပပျောက်ရန် ကူညီ ဆောင်ရွက်လိုသော်လည်း မလွယ်ကူကြောင်း ပြောသည်။

“စစ်ပွဲဖြစ်ပွားနေတဲ့ နေရာတွေ၊ ပွင့်လင်းမှုမရှိတဲ့ အစိုးရတွေအောက်မှာရှိတဲ့ နိုင်ငံတွေနဲ့ အလုပ်လုပ်ရတာ ခက်ခဲလွန်းပါတယ်။ သူတို့ အကျိုးစီးပွားအတွက်ကိုသာ ကြည့်တတ်တဲ့သူတွေမို့လို့ ကျနော်တို့က ဘယ်လိုပင် ပူးပေါင်းဆောင်ရွက်ဖို့ ကြိုးစား ပေ မယ့်လည်း သူတို့က လိုလိုလားလားမလုပ်တော့ အကောင်အထည် ဖော်ရတာ ခက်ခဲပါတယ်”ဟု ဂယ်ရီ လူးဝစ်က ဆိုသည်။

ယခုနှစ် ဇန်နဝါရီလ နှောင်းပိုင်းတွင် ထုတ်ပြန်သော ပလောင် အမျိုးသမီး အစည်းအရုံးက “အဆိပ်သင့် တောင်တန်းများ” အမည်ရှိ အစီရင်ခံစာတွင်လည်း ရှမ်းပြည်နယ်၌ ဘိန်းစိုက်ပျိုးရာ နေရာများသည် ၂၀၀၆ ခုနှစ်မှ ၂၀၀၉ ခုနှစ် အတွင်း ၅ ဆခန့် တိုးများလာကြောင်း ဖော်ပြထားသည်။