ကမ်းမမြင်ရတဲ့ မနက်ဖြန်များစွာ
အောင်သက်ဝိုင်း Wednesday, March 24, 2010
ရန်ကုန်ရဲ့ အချက်အချာကျ နေရာတခုဖြစ်တဲ့ လှည်းတန်း မီးပွိုင့်မှာ ကိုယ်ပိုင်ကားတွေ၊ လိုင်းကားတွေ၊ သွားလာနေကြတဲ့ လူတွေနဲ့ ရှုပ်ရှက်ခတ် နေတယ်။

[ပညာမသင်ရဘဲ သီချင်းဆို တောင်းရမ်းနေရတဲ့ တောင်ဒဂုံက ကလေးမောင်နှမ (ဓာတ်ပုံ - ဧရာဝတီ)]

ပညာမသင်ရဘဲ သီချင်းဆို တောင်းရမ်းနေရတဲ့ တောင်ဒဂုံက ကလေးမောင်နှမ (ဓာတ်ပုံ - ဧရာဝတီ)
မီးပွိုင့် စိမ်းလိုက်တာနဲ့ ရပ်နေတဲ့ ကားတွေက စက်ရှိန်မြှင့်ပြီး မီးပွိုင့်ကို ဖြတ်ကျော် ကြပါတယ်။ အရှိန်ဟုန် ပြင်းပြင်း မောင်းနှင်နေတဲ့ ကားတွေ ကြားမှာ အမျိုးသမီးငယ် တဦးကတော့ အန္တရာယ်ကို ဂရုမမူဘဲ လသား အရွယ် ရင်ခွင်ပိုက် ကလေးငယ် တဦးကို ချီလို့ လူးလာခေါက်ပြန် လမ်းလျှောက် နေတယ်။

ကလေးငယ်ရဲ့ ခြေထောက် တချောင်းက ဒူးဆစ်ကနေ ပြတ်နေပြီး ပတ်တီး တစနဲ့ ချည်နှောင်ထားတယ်။ ကလေးငယ်က အမျိုးသမီးရဲ့ ရင်ခွင်ကြားမှာ ဘောင်းဘီ၊ အင်္ကျီမပါ ကိုယ်တုံးလုံးနဲ့ အိပ်ပျော် နေပါတယ်။ အမျိုးသမီး ကတော့ စုတ်ပြတ်နေတဲ့ အနက်ရောင် တီရှပ်နဲ့ အ၀ါရောင် ခပ်ညစ်ညစ် ထဘီကို ၀တ်ဆင်ထားတယ်။ ပြဲစုတ်နေတဲ့ နီညိုရောင်လွယ်အိတ်တလုံးကိုလည်း သူ့ ပခုံးပေါ်မှာ စလွယ်သိုင်း အနေအထားနဲ့ တွေ့ရတယ်။


“ကိုကို၊ မမတို့ရယ် ကျမတို့သားအမိ ခိုကိုးရာမဲ့လို့ ထမင်းဖိုးလေး၊ ဟင်းဖိုးလေးများ သနား ကြပါ” လို့ အော်နေတဲ့ အမျိုးသမီးရဲ့ အသံကို ကားစက်သံတွေ ကြားကနေ ကြားနိုင်ပါတယ်။

သူ တကယ်ပဲ ခိုကိုးရာမဲ့လို့ တောင်းရမ်းနေတာလား၊ ဒါမှမဟုတ် ကလေးငယ်ကို ဗန်းပြ လိမ်ညာတောင်းရမ်း စားသောက် နေတာလား ဆိုတာ သေချာမသိနိုင်ပေမယ့် လမ်းသွား လမ်းလာတွေက သူ့ကို အရေးတယူ သတိထားခြင်းမရှိသလို၊ သနားကြင်နာ ကရုဏာသက်တဲ့ အမူအရာမျိုးလည်း မမြင်ရပါဘူး။ ဒီလို တောင်းရမ်း စားသောက်နေကြရတဲ့ မြင်ကွင်းတွေက ရန်ကုန်သူ ရန်ကုန်သားတွေအတွက် နေ့စဉ်မြင်နေကျ၊ မရိုးတော့တဲ့ မြင်ကွင်းတွေပါ။

တနေ့တခြား ကျပ်တည်းလာတဲ့ စားဝတ်နေရေး အခက်အခဲအတွက် မငတ်အောင် ရုန်းကန် နေရသူတွေ အများစုနေထိုင်ရာ ရန်ကုန်မှာ တောင်းရမ်းစားသောက်သူ အရေအတွက် တိုးပွားနေတာကို မြင်ရပါတယ်။

လှိုင်မြို့နယ် အတွင်းက ကတ္တရာလမ်းမကြီး တခုပေါ်မှာ အသက် ၁၁ နှစ်အရွယ် မိန်းကလေးငယ်နဲ့ အသက် ၈ နှစ် အရွယ်ကောင်လေးတို့ ၂ ဦးဟာ ငုတ်တုတ်ထိုင်ပြီး သူတို့လည်ပင်းကြောတွေ ထောင်လာတဲ့အထိ သီချင်းတွေ ဟစ်အော်နေပါတယ်။

ခေါင်းကိုမော့၊ မျက်လုံးလေးတွေ မှိတ်ပြီး သီချင်းကိုသီဆိုနေတဲ့ မိန်းကလေးငယ်ရဲ့လက်မှာ ကိုင်ထားတဲ့ ၀ါးကျည်တောက် အတို၊ အရှည်နှစ်ခုကို ကတ္တရာလမ်းမပေါ် ဆောင့် ဆောင့် တီးခေါက်လို့ စည်းချက်ညီညီ စူးရှတဲ့ အသံလေးတွေနဲ့ သီဆို နေကြတယ်။
သူတို့ရှေ့မှာ အစိမ်းရောင် ပလတ်စတစ် ခွက်ကလေး တလုံးချထားတယ်။ သီချင်းဆိုပြီး ပိုက်ဆံ လိုက်လံ တောင်းရမ်းနေတဲ့ ကလေးငယ်လေးတွေပါ။

“…. ချိုပြုံးရွှင်သော နှမပျိုငယ်၊ တကိုယ်လုံးပင်ချော အလှပိုတယ်။ မြို့မနဲ့ တမိတည်း ဖွားလို့ ဆိုတော့မယ်ကွယ်….” အစရှိတဲ့ နာမည်ကျော် မန်းတောင်ရိပ်ခို သင်္ကြန်သီချင်းက ကလေးငယ်နှစ်ဦးရဲ့ နှုတ်ခမ်းဆီကနေ
ပျံ့လွင့်လာနေတယ်။ ပျော်ရွှင်စရာ မြန်မာ့ရိုးရာ နှစ်သစ်ကူး သင်္ကြန် သီချင်းဖြစ်ပေမယ့် ကလေးငယ်တွေ သီဆိုနေပုံက ကြားရသူတိုင်း ၀မ်းနည်းစရာ ကောင်းလှပါတယ်။

“သမီးအဖေက သေသွားပြီ။ အမေက ဟိုးအဝေးကြီးမှာနေတယ်။ သမီး ကျောင်းမနေဖူး ပါဘူး။ သမီးတို့ မောင်နှမအားလုံး ငါးယောက်ပါ။ အဘွားနဲ့နေတယ်။ အဘွားဆိုတာ သမီးအမေရဲ့ အမေပေါ့။ အဘွားက ဟင်းရွက်ရောင်းတယ်။ အခုအဘွား နေမကောင်းဘူး” လို့ မိန်းကလေးက ပြောပြတယ်။

ဒီ ကလေးနှစ်ဦးဟာ နေ့စဉ် တောင်ဒဂုံကနေ မနက် ၈ နာရီကတည်းက ထွက်လာပြီး ရန်ကုန်မြို့ နေရာအနှံ့ လှည့်လည်၊ သီချင်းဆို တောင်းရမ်းကြပါတယ်။ သူတို့ အိမ်ပြန်ရောက်တဲ့ အချိန်က ပုံမှန်မရှိ ပါဘူး။ ကလေးငယ်နှစ်ဦးရဲ့ နေ့စဉ်တောင်းရမ်းလို့ရတဲ့ ၀င်ငွေက ကျပ် ၂၀၀၀ ကျော်ဆိုပေမယ့် သူတို့အားလုံးအတွက် လုံလောက်တဲ့ ဝင်ငွေမဟုတ်ဘူးလို့ ဆိုပါတယ်။

ရန်ကုန် အပါအ၀င် မြန်မာနိုင်ငံ အရပ်ရပ်မှာ ပုံစံအမျိုးမျိုးနဲ့ တောင်းရမ်း စားသောက်နေရတဲ့ ကလေးတွေ၊ အရွယ်နဲ့မမျှအောင် အလုပ်ကြမ်း လုပ်ကိုင် စားသောက်နေရတဲ့ ကလေးတွေ၊ လမ်းမတွေပေါ်မှာ လေလွင့်ရင်း လမ်းပျောက်နေရတဲ့ ကလေးတွေ မြောက်မြားစွာ ရှိနေပါ တယ်။ အဲဒီလို ကလေးတွေအပြင် လမ်းမတွေပေါ်မှာ သနားစရာ၊ ကြေကွဲစရာ ဘ၀ဇာတ်လမ်းတွေနဲ့ ပုံစံ အမျိုးအမျိုး တောင်းရမ်း စားသောက်နေကြတဲ့ သက်ကြီးရွယ်အိုတွေနဲ့ ဒုက္ခိတတွေလည်း မနည်းလှပါဘူး။

ခက်ခဲကြမ်းတမ်းစွာ အသက်မွေး ၀မ်းကြောင်းနေရတာကြောင့် သက်ကြီးရွယ်အိုတွေကို သားသမီး၊ ဆွေမျိုးတွေနဲ့ မိသားစုဝင်တွေက ဂရုမစိုက်နိုင် ကြတော့သလို သက်ကြီးရွယ်အိုတွေ လမ်းမတွေပေါ်မှာ တောင်းရမ်း စားသောက် နေကြတာကိုလည်း လမ်းသွား လမ်းလာတွေက ဖေးမကူညီတာမျိုး အရင်ကထက် နည်းပါးလာပါတယ်။

အလုပ်ရှားပါးပြီး မိသားစုတိုင်း အဆင်မပြေကြတာ အများစုမို့ မြန်မာ ပြည်သူတွေအနေနဲ့ တောင်းရမ်းသူတွေကို သနားဖို့ မတတ်သာတဲ့ အခြေအနေမှာ ဆိုက်ရောက် နေတယ်လို့ဆိုရင် မမှားပါဘူး။

“တောင်းတဲ့ သူတွေက နေရာတိုင်းမှာရှိနေတာ။ ဒါတွေကို လိုက်ပြီး ငွေထည့်ရမယ်ဆိုရင် စည်းစိမ်သာ ပြုတ်သွားမယ်။ ပြီးတော့ အကြွေကလည်း တအားရှားတယ်။ တကယ်ကို တောင်းရမ်းသူတွေကို ငွေလှူချင်ရင် တထောင်တန်၊ ငါးရာတန် လှူရမလို ဖြစ်နေတယ်။ ကိုယ်တောင် အနိုင်နိုင် ရုန်းကန်နေရတာ ငါးရာ၊ တထောင်လည်း မလှူနိုင်ဘူး” လို့ ရန်ကုန်သား တဦးက ဆိုတယ်။

မြန်မာနိုင်ငံသားတွေက တောင်းရမ်းသူတွေကို မပေးနိုင်ကြတော့ဘူး ဆိုတဲ့အခြေအနေမှာတောင် တနေကုန် နေရာအနှံ့ ခြေတိုအောင် လှည့်လည် တောင်းရမ်းရင် အနိမ့်ဆုံး နေ့စားဝန်ထမ်းတယောက်ရဲ့ လုပ်ခထက်တော့ ပိုရနေသေးတယ်လို့ တောင်းရမ်းစားသောက် သူတွေဆီက ကြားသိရပါတယ်။

ရန်ကုန်မြို့မှာ တောင်းရမ်းစားသောက် သူတွေ ပပျောက်အောင် မြို့တော်ဝန် ဗိုလ်မှူးချုပ်အောင်သိန်းလင်းက စည်ပင်မှာ အလုပ်ပေးမယ်၊ နေစရာပေးမယ် ဆိုတာမျိုးတွေ ပြောခဲ့ပါတယ်။ ဒါပေမယ့် စည်ပင်အလုပ်ရဲ့ ဝင်ငွေက တောင်းစားတဲ့ ဝင်ငွေကို မမီလို့ လုပ်ချင်သူတွေ နည်းပါးတယ်လို့ သိရတယ်။ တောင်းရမ်း စားသောက် သူတွေကို ဖမ်းဆီးတာမျိုး လုပ်နေပေမယ့်လည်း ပပျောက်မသွားပါဘူး။

“သူတောင်းစားတွေ တိုးလာတာက အစိုးရမှာ အဓိက တာဝန်ရှိတယ်။ လူတွေကို အလုပ်အကိုင်တွေ ဖန်တီးပေးရမယ်၊ ပညာတတ်အောင် သင်ပေးရမယ်၊ အိုမင်းမစွမ်းတော့တဲ့ သက်ကြီးရွယ်အိုတွေကို စောင့်ရှောက်ရမယ်။ ဒါတွေ အားလုံးက အစိုးရတရပ် လုပ်ရမယ့် တာဝန်တွေ။ အစိုးရက ဒီတာဝန်တွေပျက်ကွက်လို့ လမ်းတွေပေါ်မှာ တောင်းရမ်းတဲ့ ကလေးတွေ၊ မသန်စွမ်းတွေနဲ့ သက်ကြီးရွယ်အိုတွေ၊ ပြည့်တန်ဆာတွေ များလာတာပါပဲ” လို့ ပြည်တွင်း သတင်းစာ ဆရာကြီး တဦးက ပြောပါတယ်။

လှည်းတန်း မီးပွိုင့်မှာ တောင်းရမ်းနေတဲ့ သားသည်မိခင် အမျိုးသမီး၊ တောင်ဒဂုံက သီချင်းဆို ပိုက်ဆံ တောင်းရမ်းတဲ့ ကလေး မောင်နှမ၊ သားသမီးတွေက မထောက်ပံ့နိုင်လို့ လမ်းပေါ်မှာ တောင်းစားနေရတဲ့ အိုမင်းမစွမ်းသူတွေနဲ့ လမ်းမပေါ်မှာ လေလွင့်နေရတဲ့ မြန်မာနိုင်ငံသားပေါင်း မြောက်မြားစွာဟာ မနက်ဖြန်များစွာကို အလင်းရောင်မဲ့၊ မျှော်လင့်ချက်မဲ့ ဘ၀နဲ့ပဲ ဆက်လက် ရှင်သန်နေရဦးမယ် ဆိုတာ ဘယ်သူမှ မငြင်းနိုင်တဲ့၊ လက်တွေ့ကျတဲ့ အမှန်တရားတခုပါ။

မန်မာမှ တင်သွင်း လာသည့် မူးယစ်ဆေးဝါးများ ဘင်္ဂလာတွင် ဖမ်းဆီးရမိ

3/30/2010

မောင်အေး (နိရဉ္စရာ)
မြန်မာနိုင်ငံမှ တရားမ၀င် တင်သွင်းလာသည့် မူးယစ်ဆေးဝါး အများအပြားကို ဘင်္ဂလာ အာဏာပိုင်များက နယ်စပ်တွင် တနင်္ဂနွေနေ့က ဖမ်းဆီး လိုက်သည်။

ဖမ်းဆီးရမိသည့် မူးယစ်ဆေးဝါးများ၏ ကာလ ပေါက်ဈေး တန်ဖိုးမှာ တာကာငွေမှာ ၁ ကုဋေ ကျော်ဖိုး ရှိပြီး ဖမ်းဆီးရမိသည့် ပစ္စည်းများမှာ ဘိန်းဖြူ၊ ကိုကင်း၊ အရက်နှင့် စိတ်ကြွဆေးဝါးများ ဖြစ်သည်။

၎င်းမူးယစ်ဆေးဝါးများကို တနေ့တည်းတွင် နေရာ သုံးနေရာမှ ဖမ်းဆီးရမိခြင်း ဖြစ်သည်ဟု ရဲက ပြောသည်။

လွန်ခဲ့သော တနင်္ဂနွေနေ့က တက်ကနက် အခြေစိုက် အမှတ် ၄၂ ဘင်္ဂလား ရိုင်ဖယ် တပ်ဖွဲ့မှ သတင်း အရ တက်ကနက်မြို့မှ စစ်တကောင်း သို့သွား သည့် S.Alam ကုမ္ပဏီပိုင် ခရီးသည်တင် ဘတ်စ်ကား တစီးကို စစ်တကောင်းမြို့အ၀င် ကော်ရနဖူလ်းလီ တံတားတွင် ရပ်တန့်စစ်ဆေးရာ ဘိန်းဖြူ ၁ ကီလို ဒဿမ ၄ ဂရမ်နှင့် ကိုးကင်း ၁ ကီလို ဒဿမ ၁ ဂရမ်းကို ဖမ်းဆီး ရမိသည်။

ဖမ်းဆီးမူကို ဒုတိယ ဗိုလ်မှူးကြီး မိုဟာမတ်ဟောဆန်းမှ ဦးဆောင်ခဲ့သည်ဟု ရဲက ပြောသည်။

အဆိုပါ နေ့တွင်ပင် ယာဘားဆေးပြား ၂၀၀ ကို မူးယစ် ရောင်းဝယ် ဖေါက်ကားသူ နှစ်ဦးနှင့် အတူ တက်ကနက်မြို့ရှိ ဟာဘိရ်ပါရာ တည်းခိုခန်းမှ ဘင်္ဂလာဒေခ်ျ့ တန်ပြန် ဒုစရိုက် နှိမ်နှင်းရေး အမှတ် (၇) RAB အဖွဲ့က ဖမ်းဆီးခဲ့သည်။

ဖမ်းဆီးခံရသူနှစ်ဦးမှာ မိုဟာမတ် တေလ်ယက် (၂၂)နှစ်နှင့် ကောစ့်ဘာ ဇားမြို့ ချောမီ တီပါရာတွင် နေထိုင်သည့် မြန်မာနိုင်ငံသာ ဆာဟေလ် အာမတ်(၂၈) နှစ်တို့ဖြစ်သည်။

တက်ကနာမြို့နယ် ဟာဘိရ်ပါရာမှ အဆိုပါနေ့တွင် မြန်မာနိုင်ငံမှ တင်သွင်းလာသည့် အရက်မျိုးစုံ ပုလင်းပေါင်း ၂၆၉ ပုလင်းကို ဘင်္ဂလာရဲက ဖမ်းဆီးခဲ့သည်။

ရခိုင် လူငယ်၁၁ ဦး အမှုကို ကြားနာခွင့် ရရန် တရားရုံးထံ မိသားစုဝင်များ လျှောက်ထား တောင်းဆို

3/30/2010

ခိုင်ခိုင်စံ(နိရဉ္စရာ)
အင်းစိန်ထောင်တွင် စစ်ဆေးခံနေသော ရခိုင်လူငယ် ၁၁ဦး၏ မိသားစုများမှ အမူစစ်ဆေးရာတွင် တက်ရောက် ကြားနာခွင့် မရဘဲ ဖြစ်နေသဖြင့် သူတို့အား တက်ရောက်ကြားနာခွင့် ပြုရန် တရားရုံးထံ တင်ပြ တောင်းဆိုလိုက်သည်ဟု သတင်း ရရှိသည်။

အဆိုပါ တောင်းဆိုမူကို သူတို့ကိုယ်စား အမူအား လိုက်ပါ ဆောင်ရွက်နေသူ ရှေ့နေ ဦးကျော်ဟိုးမှ မတ်လ ၂၉ ရက်နေ့က တင်ပြ တောင်းဆို လိုက်သည်။

ရှေ့နေ ဦးကျော်ဟိုးမှ အမူသည် တယောက်ကို မိသားစု နှစ်ဦးစီ တက်ရောက် ကြားနာခွင့် ပြုရန် တောင်းဆိုခဲ့ပြီး သူတို့အနေဖြင့် တခြား အမူသည်များနည်းတူ ကြားနာခွင့် ရသင့်ကြောင်း ဦးကျော်ဟိုးက တင်ပြခဲ့သည်ဟု သိရသည်။

တခြားအမူသည်များ၏ ဆွေမျိုးမိသားစုများကို အင်းစိန်ထောင်တွင် အမူ စစ်ဆေးစဉ် ကြားနာခွင့် ပြုသော်လည်း ရခိုင်လူငယ် ၁၁ ဦး၏ မိသားစုများ၏ ကြားနာခွင့်ကို တရားရုံးမှ ပိတ်ပင်ထားသည်။

ဦးကျော်ဟိုး၏ ကြားနာခွင့် တောင်းဆိုမူကို လာမည့် ဧပြီလ ၅ ရက်နေ့တွင် တရားရုံးမှ ဆုံးဖြတ်ပေးမည်ဟု သိရသည်။

မတ်လ ၂၉ ရက်နေ့က ရခိုင်လူငယ် ၁၁ ဦးအား အင်းစိန်ထောင် အတွင်းရှိ အနောက်ပိုင်း ခရိုင် တရားရုံးတွင် တရား သူကြီး ဦးမြင့်စန်းက စစ်ဆေးခဲ့စဉ်အတွင်း ဦးကျော်ဟိုးမှ ထိုသို့ တင်ပြ တောင်းဆိုခဲ့ခြင်း ဖြစ်သည်။

သူတို့ ၁၁ ဦးအား ဖောက်ခွဲမှု၊ နယ်စပ်ဖြတ်ကျော်မှု၊ တရားမ၀င် အသင်းနှင့် ဆက်သွယ်မှု စသော ပုဒ်မများ အပါအ၀င် အမှုပေါင်း ၅ ခုဖြင့် တရား စွဲဆို ထားပြီး ထိုအထဲမှ ဖောက်ခွဲပစ္စည်းများဖြင့် ပတ်သက်သော အမှု ၂မှုကိုသာ အဓိကထားစစ်ဆေးခဲ့သည် ဟုသိရသည်။ အမူစစ်ရာတွင်လည်း တရားသူကြီးမှ အမှုစစ်ရဲ ဦးကျော်ရင် တဦးတည်း ကိုသာ စစ်ဆေးသည်ဟု သတင်း ရရှိသည်။

ရခိုင်လူငယ်များ ဖြစ်ကြသည့် ကိုကျော်ဇောထွန်း၊ ကိုခင်မောင်ဌေး၊ ကိုကျော်ဆန်းလိူင်၊ ကိုဇော်ထွန်းဦး၊ ကိုကျော်မိုး၊ ကိုကျော်ဝင်း၊ ကိုထွန်းလင်းကျော်၊ ကိုနိုင်စိုး (မဲလုံး)၊ ကို မောင်နိုင်စိုး၊ ကိုကျော်စံသိန်း၊ ကိုအောင်မိုးဇော် တို့ ၁၁ဦးအား ၂၀၀၉ ခုနှစ် စက်တင်ဘာလ အတွင်းက ပြည်ပ ရခိုင်ကျောင်းသား အဖွဲ့အစည်း တခုနှင့် ဆက်စပ်ပြီး ဗုံးခွဲရန် စီစဉ်သည်ဟု စွပ်စွဲကာ စစ်ထောက်လှမ်းရေးများက ဖမ်းဆီးခဲ့သည်။

ဖမ်းဆီးပြီးနောက် အဆိုပါ ရခိုင်လူငယ်များကို မိသားစုနှင့် အဆက်ဖြတ်ကာ ၃ လကြာ ပြင်းပြင်းထန်ထန် ညှဉ်းပမ်း နှိပ်စက်ခဲ့ပြီး ဒီဇင်ဘာလ ၂၀ရက်နေ့ တွင်မှ အင်းစိန်ထောင်ဝင်း အတွင်းရှိ အနောက်ပိုင်းခရိုင် တရားရုံးတွင် ရုံးတင် ကြားနာ စစ်ဆေးခဲ့သည်။

ဘင်္ဂလာဒေခ်ျ့ နိုင်ငံ၏ အကြီးမားဆုံး လျောင်းတော်မူ ဗုဒ္ဓ ရုပ်ထုတော် တည်ဆောက်ပြီ

3/26/2010

ဘင်္ဂလာဒေခ်ျ့ နိုင်ငံ၏ အကြီးမားဆုံး လျောင်းတော်မူ ရုပ်ထုတော် တဆူကို ကော့ဘဇားခရိုင် ပန်းဝါ (ရာမူး) မြို့နယ်ရှိ ယခင် ရခိုင်အမျိုးသားများ နေထိုင်ခဲ့ရာ တောင်ချေရွာတွင် တည်ဆောက်နေပြီ ဖြစ်ကြောင်း သတင်း ရရှိသည်။

အဆိုပါ လျောင်းတော်မူ ရုပ်ပွားတော်အား မာရမာကြီး ( ဘင်္ဂလီအခေါ် ဘရ၀ါ) ဆရာတော်တပါး ဖြစ်သူ အရှင် ဂရုဏာဆရီမှ ဦးဆောင် တည်ဆောက်နေခြင်း ဖြစ်သည်။

ဆရာတော်မှ ရုပ်ပွားတော် တည်ဆောက်ရခြင်း ရည်ရွယ်ချက်ကို ယခုကဲ့သို့ ပြောသည်။

“ဘင်္ဂလာဒေခ်ျ့နိုင်ငံဟာ မူဆလင် နိုင်ငံ တနိုင်ငံ ဖြစ်ပေမယ့်လည်း ဗုဒ္ဓဘာသာဝင်တွေ အများကြီး ရှိပါတယ်။ ဒါပေမယ့်လည်း ခုလို ကြီးမားတဲ့ လျောင်းတော်မူ ဗုဒ္ဓရုပ်ပွားတော်ဟာ ဘင်္ဂလာဒေခ်ျ့မှာ မရှိတဲ့ အတွက် ဒီနိုင်ငံက ဗုဒ္ဓဘာသာဝင်တွေ ဖူးမျှော်နိုင်ရန် ရည်ရွယ်ချက်ဖြင့် ခုလို တည်ဆောက် ရတာ ဖြစ်ပါတယ်။”

လျောင်းတော်မူ ဗုဒ္ဓရုပ်ပွားတော်မှာ ပေ ၁၀၀ ရှည်လျားပြီး အမြှင့်ပေ ၃၀ ခန့်ရှိကာ ရုပ်ထုတော်အား ၂၀၀၇ ခုနှစ်မှ စတင် တည်ဆောက်နေခြင်း ဖြစ်သည်။

ယခု ဗုဒ္ဓ လျောင်းတော်မူ ဘုရား တည်ဆောက်နေသော နေရာမှာ ယခင် ရခိုင်အမျိုးသားများ နေထိုင်ခဲ့ရာ တောင်ချေရွာ သချိုင်းဟောင်း တည်ရှိရာ တောင်ကုန်းပေါ်တွင် ဖြစ်ပြီး အဆိုပါ မြေအား ပြန်လည် ရရှိအောင် ကြိုးပမ်းဆောင်ရွက်ခဲ့ရပုံကို ဆရာတော် ဂရုဏဆရီမှ ယခုကဲသို့ ပြောသည်။

“ဒီနေရာဟာ ရခိုင်အမျိုးသားတွေ နေထိုင်ခဲ့တဲ့ တောင်ချေရွာ သချိုင်း ဖြစ်ပါတယ်။ ဒီမြေနေရာဟာ ဒေသခံ ဘာသာခြားတွေ လက်ထဲကို ရောက်ရှိ နေတာကတော့ ကြာပါပြီ။ ဒါပေမယ့်လည်း ဆရာတော်က ဒီနေရာဟာ သချိုင်းမြေဖြစ်တဲ့ အတွက် ခင်ဗျားတို့ အတွက် ဘာမှ အကျိုးမရှိတဲ့ မြေဖြစ်တယ်။ လုပ်ကိုင် စားသောက်လို့လည်း မရဘူး။ ဆရာတော်ကို ရောင်းပါဆိုပီး မေတ္တာရပ်ခံတဲ့ အတွက် သူတို့က ဆရာတော်ကို ပြန်ရောင်းချခဲ့ပါတယ်။ ဧရိယာ အကျယ်အ၀န်းက ၃ ဧက နီးပါးခန့် ရှိပါတယ်။”

အဆိုပါ မြေနေရာအား တူးဖေါ်စဉ် ရခိုင် ရှေးဟောင်း လူကြီး အရိုးစု ၆၀ ကို တူးဖေါ် ရရှိခဲ့သည်ဟု ဆရာတော်က ပြောသည်။

“ဒီနေရာဟာ ရခိုင် အမျိုးသားတွေ နေထိုင်ခဲ့တဲ့ နေရာ ဒေသ တခု ဖြစ်ပါတယ်။ ရခိုင်ရွာကြီးတွေ အများအပြား တည်ရှိခဲ့တယ်လို့လည်း သိရပါတယ်။ ခုထက်ထိ ရခိုင် လူကြီးတွေရဲ့ အရိုး အုတ်ဂူတွေကို ဘုရားကျောင်းဝင်းအတွင်းမှာ မြင်တွေ့ နိုင်ပါသေးတယ်။ နောက်ပိုင်းမှာ ရခိုင်တွေ မြန်မာပြည်ကို ထွက်ခွာ သွားကြတဲ့အတွက် ဒီရွာတွေဟာ ပျက်စီးသွားခဲ့တာ ဖြစ်ပါတယ်။ ခုတော့ ဆရာတော်တို့ရဲ့ မာရမာကြီး လူမျိုးတွေက အခြေချနေထိုင်နေကြပါတယ်” ဟု ပြောသည်။

ယခင်က တောင်ချေရွာတွင် ရခိုင်အိမ်ခြေပေါင်း ၁၆၀၀ ရှိခဲ့ပြီး ဘင်္ဂလာဒေခ်ျ့ လွတ်လပ်ရေး မတိုင်မှီနှင့် တိုင်ပြီးနောက် ရခိုင် လူမျိုးများက “ မြေကိုချစ် တီဖြစ်သည်” ဟု ဆိုကာ ရွာကို စွန့်ခွာပြီး မြန်မာပြည်ဘက်သို့ ပြောင်းရွှေ့ သွားကြ သည်ဟု ဖလောင်းချိတ်မြို့က ဦးလှအောင်စိန်မှ ပြောသည်။

ရခိုင်ပြည်နယ် စစ်တွေမြို့မှ သူဌေးမ မညွှန့်စိန်မှာ ယခု ဘုရား တည်ဆောက်နေရာ တောင်ချေ ကျေးရွာ ဇာတိဖြစ်ကြောင်း သိရသည်။

ယခုတည်ဆောက်နေသော လျောင်းတော်မူ ဗုဒ္ဓရုပ်ပွားတော်မှာ နောက် ၂ လနှင့် ၃ လအကြားတွင် ပြီးစီးနိုင်ပြီး အဆိုပါ ရုပ်ပွားတော်ကို ရခိုင်ပြည်နယ်မှ နာမည်ကြီး ပန်းပု ဆရာတဦးက တည်ဆောက် နေခြင်း ဖြစ်သည်။

ရုပ်ပွားတော်ကို ဦးဆောင် တည်ဆောက်နေသူ ဆရာတော် အရှင် ဂရုဏာ ဆရီမှာ သက်တော် ၄၀ ခန့်သာ ရှိသေးပြီး မြန်မာနိုင်ငံ ရန်ကုန် မဟာစည် တရားစခန်းတွင် တနှစ်ခန့် တရားထိုင်ခဲ့ဖူးသည်ဟု သိရသည်။

အဆိုပါ ရုပ်ထုတော်ကို ဗုဒ္ဓဘာသာ နိုင်ငံများက အကူအညီများဖြင့် တည်ဆောက်နေခြင်း ဖြစ်ပြီး အခုအချိန်ထိ အကူအညီများ ထည့်ဝင် လှူဒါန်းနေကြကြောင်း ဆရာတော်က မိန့်ကြားသည်။

လုံထိန်းတပ်ဖွဲ့ဝင်များကို ရဟန်းတော်များက တိုင်တွင်ကြိုးဖြင့် ချည်နှောင်ပြီး ဆိုဆုံးမ

3/26/2010

ရခိုင်ပြည်နယ် မောင်တောမြို့ (၃) မိုင် ကျေးရွာတွင် ယမန်နေ့က စတင် ပြုလုပ်သော အပါး ၁၀၀ ရှင်ပြုပွဲတွင် လုံးထိန်း တပ်ဖွဲ့ တဖွဲ့မှ အရက်သေစာ သောက်စား မူးယစ်ပြီး လူထုကို စော်ကားသဖြင့် ရဟန်းတော်များက ၀ိုင်းဝန်းရိုက်နှက်ကာ လုံထိန်း ၂ ဦးကို လူမိုက်တိုင်တွင် ချည်နှောင် ထားခဲ့သည်ဟု အမည်မဖေါ်လိုသူ မျက်မြင် တဦးက ပြောသည်။

“လုံထိန်းတွေက အရက်သေစာ မူးယစ်သောက်စားပြီး ဇာတ်ပွဲရှေ့မှာ လာသောင်းကျန်းတော့ ရဟန်းတော်တွေက ၀ိုင်းရိုက်ပီး အဲဒီထဲက လုံထိန်း နှစ်ဦးကို လူမိုက် လူရမ်းကားတွေကို ချည်နှောင်ဖို့ ပြုလုပ်ထားတဲ့ တိုင်မှာ ချည်နှောင်ထားခဲ့ပါတယ်။ ကျန်တဲ့ လုံထိန်းတွေကတော့ ဦးဇင်းတွေ ရိုက်တော့ ကြောက်ပီး စခန်းကို ပြန်ပြေး သွားကြပါတယ်” ဟု သူက ပြောသည်။

အဆိုပါ ရှင်ပြုပွဲတွင် ရွှေရတနာ ဇာတ်အဖွဲ့မှ လာရောက် ဖြေဖျော်ရာ လုံထိန်းများက အရက်သေစာ မူးယစ်ကာ လူထုကို စော်ကားသဖြင့် ရဟန်းတော်များက ၀ိုင်းဝန်း ရိုက်နှက်ပြီး ယခုကဲ့သို့ ချည်နှောင်ထားခဲ့ရခြင်း ဖြစ်သည်။

“ရဟန်းတော်တွေက အပါး ၂၀၀ လောက်ရှိမယ် ထင်ပါတယ်။ တမြို့နယ်လုံးက ပင့်ထားတော့ ရဟန်းတော်တွေ ကွင်းမှာ အပြည့်ဘဲ။ လုံထိန်းတွေ စော်ကားတာကို မြင်တော့ ရဟန်းတော်တွေက သည်းမခံနိုင်ဘဲ ရိုက်ပုတ်ပီး နှစ်ဦးကို ကြိုးနဲ့ ချည်နှောင်ပြီး ထားခဲ့ရပါတယ် ” ဟု သူက ပြောသည်။

ရှင်ပြုပွဲသို့ လာရောက်လာသူ အရှင် ဦးသောဘိတက “ ဦးဇင်းတွေမှာ အပြစ်မရှိဘူး။ အပြစ်ရှိတာက လုံထိန်းတွေပါ။ သူတို့က သိပ်ကို ရမ်းကားလွန်းတော့ ဦးဇင်းတွေက နည်းနည်းပါးပါး ဆိုဆုံးမလိုက်တာ ဖြစ်ပါတယ်။ နံနက် မလင်းမှီ ဆရာတော်ကြီးတွေက အဲဒီ လုံထိန်းနှစ်ဦးကို ရဲတာဝန်ရှိသူတွေ လက်ထဲ အပ်လိုက်ပါတယ်” ဟု ပြောသည်။

ယခုကဲသို့ ရဟန်းတော်များက လုံထိန်း တပ်ဖွဲ့ဝင်များကို ၀ိုင်းဝန်းရိုက်နှက်မူကြောင့် ဇာတ်ပွဲ ကြည့်နေသူ လူအုပ်မှာ ဖရိုဖရဲ ဖြစ်သွားသော်လည်း ဆရာတော်များက ပွဲစောင့် ရဲအဖွဲ့၏ အကူအညီကို ယူကာ ပြန်လည် ငြိမ်ဝပ်အောင် ထိန်းသိမ်းခဲ့ရသည်ဟု ဆရာတော်က ပြောသည်။

ယခုကဲ့သို့ လုံထိန်းများကို ရိုက်နှက်ပြီး တိုင်တွင် ချည်နှောင်ကာ ရဟန်းတော်များက ဆိုဆုံးမခဲ့ခြင်း အပေါ် ပွဲကြည့်ရန် လာရောက်သည့် ပရိသတ်များက သောင်းသောင်းဖျဖျ အားပေးခဲ့ကြသည်ဟု သိရသည်။

ယနေ့ညဉ့်တွင်လည်း ရွှေရတနာ ဇာတ်အဖွဲ့မှ စဉ်လာမပျက် ပုံမှန် တင်ဆက်ကပြရန် အစီအစဉ် ရှိနေကြောင်း သတင်း ရရှိသည်။

ရခိုင်ဒီမိုကရေစီ အင်အားစုများ ဒက္ကားမြို့ မြန်မာသံရုံးရှေ့တွင် ဆန္ဒပြ

3/27/2010

ဒီမိုကရေစီ အရေး လူပ်ရှားသူ ရခိုင်အမျိုးသား အမျိုးသမီး ၃၀ ခန့်သည် ယနေ့နံနက်က ဒက္ကားမြို့ရှိ မြန်မာ သံရုံးရှေ့သို့ သွားရောက်ပြီး ရွှေးကောက်ပွဲကို ဆန့်ကျင်သည့် ကြွေးကြော်သံများကို ကြွေးကြော်ကာ ဆန္ဒပြခဲ့ကြသည်။

“ရွှေးကောက်ပွဲ ဥပဒေ အလိုမရှိ၊ ၂၀၁၀ ရွှေးကောက်ပွဲ အလိုမရှိ” ကြွေးကြော်သံများကို သံပြိုင် ကြွေးကြော်ပြီး ဆန္ဒပြခဲ့ကြသဖြင့် မြန်မာသံရုံးရှေ့ အနီးတ၀ိုက်တွင် ရုတ်ရုတ်သဲသဲ ဖြစ်သွားပြီး ဒေသခံများနှင့် အနီးအနားမှ လူများက ဆန္ဒပြပွဲကို ၀ိုင်းအုံ ကြည့်ရှု့ခဲ့ကြသည်။

ဆန္ဒပြပွဲ စီစဉ်ကျင်းပရခြင်း ရည်ရွယ်ချက်ကို ဦးဆောင်ရာတွင် ပါဝင်သူ တဦးဖြစ်သည့် အမျိုးသားရေး ကိုနိုင်နိုင်မှ “ ဒီအခု ထုတ်ပြန်လိုက်တဲ့ ရွှေးကောက်ပွဲ ဥပဒေဟာ လုံးဝ လက်ခံနိုင်စရာ မရှိဘူး။ ဒါ့ပြင် လာမယ့် ရွှေးကောက်ပွဲဟာလည်း ဘယ်လိုနည်းနဲ့မှ လက်ခံ နိုင်စရာ မရှိဘူး။ စစ်အာဏာရှင် စနစ်နဲ့ တိုင်းပြည်ကို ဆက်လက် ကျွန်ပြုဖို့ လုပ်ထားတဲ့ ဖွဲ့စည်းပုံနဲ့ ပြုလုပ်မယ့် ရွှေးကောက်ပွဲ ဖြစ်တာကြောင့် ကျွန်တော်တို့က လာရောက် ကန့်ကွက် ဆန္ဒလာပြရတာ ဖြစ်ပါတယ်။ တနည်းအားဖြင့် ပြောရရင် ရခိုင်ပြည်သူတွေ မပြောနိုင်တာကို ကျွန်တော်တို့က ရခိုင်ပြည်သူတွေရဲ့ ကိုယ်စား ဒီနေရာမှာ လာရောက် ပြောဆိုတာ ဖြစ်ပါတယ်” ဟု ပြောသည်။

ဆန္ဒပြပွဲတွင် ရဟန်းတော်များ၊ ကျောင်းသားများနှင့် အမျိုးသမီးများ ပါဝင်ပြီး ဒေါ်အောင်ဆန်းစုကြည် ရုပ်ပုံများ ပါဝင်သော ပိုစတာများ၊ ဆိုင်းဘုတ်များကို ကိုင်ဆောင်ကာ ဆန္ဒပြခဲ့ကြခြင်း ဖြစ်သည်။

ဦးဆောင်ရာတွင် ပါဝင်သူ တဦး ဖြစ်သည့် နိုင်ငံရေး သမား ဦးခိုင်ကျော်ခိုင်က “ ကျွန်တော်တို့ ရခိုင်လူမျိုးတွေဟာ နအဖ စစ်အာဏာရှင် လက်အောက်မှာ ကျွန်ပြု ခံနေကြရပါတယ်။ ကျွန်တော်တို့မှာ စာပေ ယဉ်ကျေးမူ အနုပညာလက်ရာ ဘာတခုကိုမှ နအဖ စစ်အစိုးရ လက်အောက်မှာ ဖေါ်ထုတ်ခွင့် မရကြပါဘူး။ ရွှေးကောက်ပွဲ မတိုင်မှီလည်း ကျွန်တော်တို့ ရခိုင်တွေဟာ စစ်ကျွန်၊ ရွေးကောက်ပွဲပီးရင်လည်း စစ်ကျွန်ဘ၀ လွှတ်မြောက်လာမှာ မဟုတ်တာကြောင့် ဒီရွှေးကောက်ပွဲဟာ ကျွန်တော်တို့ ရခိုင် လူထု အတွက် ဘာမှ မထူးပါဘူး။ အခု နအဖ အတည်ပြုပေးလိုက်တဲ့ ဖွဲ့စည်းပုံနဲ့ ရွှေးကောက်ပွဲ ၀င်ဖို့ ရခိုင်ပါတီတွေ မှတ်ပုံ တင်ကြရင်တော့ အရင်ကထက် ပိုဆိုးသွားတာ တခုကတော့ နအဖ စစ်အစိုးရကို ရခိုင်လူထု အပေါ် စစ်ကျွန်ဘ၀နဲ့ ဆက်လက် အုပ်ချုပ်မှာကို သဘောတူကြောင်း လက်မှတ် ရေးထိုး ပေးလိုက်သလို ဖြစ်သွားမှာ ဖြစ်ပါတယ်။ ဒါကြောင့် ရခိုင်ပြည်သူတွေ အနေနဲ့ လာမယ့် ရွှေးကောက်ပွဲကို လုံးဝ ဆန့်ကျင်ကြဖို့နဲ့ ရွှေးကောက်ပွဲ မ၀င်ကြဖို့ လိုပါလိမ့်မယ်” ဟုပြောသည်။

ဦးခိုင်ကျော်ခိုင်သည် ၂၀၀၇ ခုနှစ် ရွှေဝါရောင်တော်လှန်ရေးတွင် စစ်တွေတွင် တက်ကြွစွာ ပါဝင် လူပ်ရှားခဲ့သဖြင့် ထောင်ဒဏ် ၂ နှစ်ခွဲ ချမှတ်ခံခဲ့ရသည်။ ထောင်မှ လွှတ်ပြီး ဘင်္ဂလာဒေခ်ျ့ကို ဒီမိုကရေစီ အရေး ဆက်လက် ဆောင်ရွက်ရန် ရောက်ရှိ လာခဲ့သည်။

ဆန္ဒပြနေစဉ် အတွင်း ဘင်္ဂလာရဲတပ်ဖွဲ့ဝင်များ ရောက်ရှိလာပြီး ဆန္ဒမပြရန် ဟန့်တားသဖြင့် ဆန္ဒပြပွဲ စပြီး မိနစ် ၃၀ ကျော် အကြာတွင် ရပ်နားခဲ့သည်။

ဆန္ဒပြသူများသည် ရဲအရာရှိများ ဟန့်တားနေသည့်ကြားထဲက သံရုံးရှေ့တွင် ဒီမိုကရေစီ အရေးတော်ပုံ အောင်ရမည် အောင်ရမည်ဟု ကြွေးကြော်ကာ နံနက် ၁၀ နာရီမှ စတင်ခဲ့သော ဆန္ဒပြပွဲကို ၁၁ နာရီ အချိန်တွင် ရပ်နားခဲ့ကြသည်ဟု သိရသည်။

နအဖ ရွေးကောက်ပွဲ အပေါ် ဝါရင့် ရခိုင် နိုင်ငံရေးသမား ခိုင်ကျော်ခိုင်၏ အမြင်

3/30/2010

ဦးခိုင်ကျော်ခိုင်ဟာ ၂၀၀၇ခုနှစ် ရွှေဝါရောင်တော်လှန်းရေးမှာ ရဟန်းဘဝနဲ့ စစ်တွေမှာ တက်ကြွစွာ ပါဝင်ခဲ့တဲ့ အတွက် စစ်အာဏာပိုင်တွေရဲ့ ဖမ်းဆီးခြင်းကို ခံခဲ့ရပြီး ထောင် ၂နှစ်ခွဲ ချမှတ် ခံခဲ့ရပါတယ်။ ထောင်က လွတ်လာပြီး တဲ့ နောက်ပိုင်းမှာလည်း ထောက်လှမ်းရေးတွေက အနံ့ခံ လိုက်နေတဲ့ အတွက် ပြည်တွင်းထဲမှာ မနေနိုင်ဘဲ စစ်တွေကနေပြီး ဘင်္ဂလာဒေ့ခ်ျကို ထွက်ခွာလာခဲ့ ရသူ တဦး ဖြစ်ပါတယ်။ အခုအခါ ခိုင်ကျော်ခိုင်ဟာ ဘင်္ဂလာဒေခ်ျ့ နိုင်ငံ ဖလောင်းချိတ်မြို့မှာ နေထိုင်ပြီးတော့ ကျောင်းဆရာ လုပ်နေပါတယ်။ သူ့ကို ဒီနှစ်မှာ ကျင်းပ ပြုလုပ်ဖို့ ပြင်ဆင် နေတဲ့ နအဖ ရွေးကောက်ပွဲနဲ့ ပတ်သက်ပြီးတော့ ဘယ်လို ပြောချင်ပါသလဲ လို့ နိရဉ္စရာက မေးကြည့်တဲ့အခါ သူက အခုလို စပြောပါတယ်။

ဖြေ။ ကျွန်တော်တို့ အဓိကပြောချင်တာက မြန်မာနိုင်ငံမှာ ရခိုင် အမျိုးသားတွေဟာ နအဖ စစ်အုပ်စု လက်ထက်မှာ မကြုံဖူးအောင် အထူး ဖိနှိပ်မူတွေနဲ့ ရင်ဆိုင် ကြုံတွေ့ နေကြရ ပါတယ်။ စီးပွားရေး၊ ပညာရေး၊ ကျန်းမာရေးက အစ နေရာတိုင်းမှာ အခက်အခဲ အမျိုးမျိုးနဲ့ တွေ့ကြုံ နေကြ ရတာလည်း ဖြစ်ပါတယ်။ အခု ကျွန်တော်တို့ ရခိုင်အမျိုးသားတွေ အနေနနဲ့ ဒီရွှေးကောက်ပွဲဆိုင်ရာ ဥပဒေကို မဆန့်ကျင် မကန့်ကွက်ဘူး ဆိုလို့ရှိရင် ကျွန်တော်တို့ သားစဉ်မြေးဆက် စစ်ကျွန်ဘ၀က လွှတ်မြှောက်တော့မှာ မဟုတ်ပါဘူး။ အဲဒီ ဥပဒေအတိုင်း ကျွန်တော် တို့ ဆက်လိုက်သွားမယ်ဆိုရင် ကျွန်တော်တို့ အားလုံးဟာ စစ်ဖိနပ်အောက်က လုံးဝလွှတ်မြောက်တော့မှာ မဟုတ်ပါဘူး။ ကျွန်တော်တို့ ရခိုင်လူမျိုး ဟာ တချိန်ခါက ကိုယ့်မင်း၊ ကိုယ့်ချင်း၊ ကိုယ့်ယဉ်ကျေးမှု၊ ကိုယ့်စာပေနဲ့ နေခဲ့တဲ့ လူမျိုး တမျိုးပါ။ အခုအခါ နအဖ စစ်အစိုးရ လက်အောက်မှာ ကျွန်သပေါက် ဘဝကို ရောက်နေကြရတာဟာ တကယ့်ကို ဝမ်းနည်းဖို့ကောင်းပါတယ်။ အဲဒီအတွက်ကြောင့် ကျွန်တော်တို့ကို ဆက်ပြီးတော့ ကျွန်ပြုမယ့် ဒီရွေးကောက်ပွဲ ဥပဒေကို ဘင်္ဂလာဒေ့ခ်ျနိုင်ငံမှာရောက်နေကြတဲ့ ရခိုင်ဒီမိုကရေစီ အင်အားစုတွေ အနေနဲ့ ဆန့်ကျင် ကန့်ကွက်နေရတာ ဖြစ်ပါတယ်။ ရခိုင်ပြည်ထဲမှာ ဆိုလို့ရှိရင် ကိုယ်ပြောချင်တာ ကိုပြောလို့မရဘူး။ ကိုယ်လုပ်ချင်တာကိုလည်း လုပ်လို့မရဘူး။ တရားသဖြင့် ဆိုတာမျိုးကိုလည်း လုပ်ကိုင်လို့ မရဘူး။ အဲဒီအတွက် ပြည်ထဲမှာရှိတဲ့ ရခိုင်ပြည်သူတွေနဲ့ ဒီမိုကရေစီ ရဲဘော် ရဲဘက်တွေရဲ့ ဆန္ဒ အရ ကျွန်တော်တို့ ဒီရွေးကောက် ပွဲဆိုင်ရာ ဥပဒေကို ဆန့်ကျင်ရခြင်း ဖြစ်ပါတယ်။

မေး။ ရခိုင်နိုင်ငံရေးသမား တချို့က အခုအခါ ပါတီတွေဖွဲ့ပြီးတော့ ပါတီမှတ်ပုံတင်ဖို့နဲ့ လာမယ့် ရွေးကောက်ပွဲမှာ ပါဝင်ယှဉ်ပြိုင်ဖို့ ပြုလုပ်နေတာတွေကို တွေ့မြင်နေရပါတယ်။ အဲဒီအပေါ်မှာ ဘယ်လိုမြင်ပါသလဲ။

ကျွန်တော်တို့ကတော့ နအဖ ချမှတ်ထားတဲ့ ရွှေးကောက်ဥပဒေ၊ သူတို့ရေးဆွဲထားတဲ့ ဖွဲ့စည်းပုံ၊ သူတို့ ပြုလုပ်မယ့် ရွေးကောက်ပွဲ အတိုင်း ရခိုင် လူမျိုးတွေ လိုက်လုပ်ရင်တော့ သူတို့ရဲ့ စစ်ဖိနပ်အောက်က ဘယ်တော့ခါမှ လွှတ်မြှောက် နိုင်မှာ မဟုတ်သလို ဆက်ပြီးတော့ ကျွန်ပြုခံနေကြရမှာ ဖြစ်ပါတယ်။ ဒါကြောင့် ဘယ်ရခိုင်အမျိုးသားမှ သူတို့ကျင်းပမယ့် ရွေးကောက်ပွဲမှာ မပါဝင်စေချင်သလို ဆန့်ကျင်ပြီးတော့ လုံးဝ(လုံးဝ) ကန့်ကွက်စေချင်ပါတယ်။

မေး။ အခု ပြောနေကြတာက ရွေးကောက်ပွဲကို လက်မခံရင် ရွေးချယ်စရာ တခြားလမ်းမရှိဘူး။ အဲဒီအတွက်နဲ့ ရွေးကောက်ပွဲကို ဝင်သင့်တယ်လို့လည်း ပြောနေကြသူတွေရှိပါတယ်။ အဲဒီ အပေါ်မှာကော ဘာပြောချင်ပါသလဲ။

ကျွန်တော်တို့ ရခိုင်အမျိုးသားတွေ အတွက်က ဘာမှ မထူးပါဘူး။ ဒီရွေးကောက်ပွဲ ဥပဒေကို ထောက်ခံရင်လည်း သူတို့ဆီမှာ ကျွန်ပါပဲ။ ရွေးကောက်ပွဲ ဝင်ရင်လည်း ကျွန်သပေါက် ဘဝပါပဲ။ မဝင်ရင်လည်း ကျွန်သပေါက် ဘဝပါပဲ။ အဲဒါကြောင့် ခု နအဖက ပြုလုပ်မယ့် ရွှေးကောက်ပွဲကို ထောက်ခံရင် သူတို့ကို ကျွန်ပြုတာကို သဘောတူသလို ဖြစ်သွားနိုင်တဲ့ အတွက် ကျွန်တော်တို့ ရခိုင်အမျိုးသားတွေ အတွက် တကယ့်ကို နစ်နာသွားစေနိုင် ပါတယ်။ ကျွန်တော်တို့ရဲ့ သဘောထားက သူတို့ကို မကြိုက်ဘူးဆိုရင် မကြိုက်ဘူး။ သူတို့ ရွေးကောက်ပွဲ လုပ်လုပ် မလုပ်လုပ် မင်းတို့ဘာသာ မင်းတို့ လုပ်တာ။ ငါတို့ လူမျိုးနဲ့ မဆိုင်ဘူး။ မတတ်သာလို့ ငုံ့ခံနေရတာ။ သူတို့လုပ်တာကို တမျိုးသားလုံး အနေနဲ့ မကြိုက်ဘူးဆိုတဲ့ သဘောထားကို ပြရမယ်။ ဆန့်ကျင်တဲ့ သဘောထားကို ပြရမယ်။ ဒီလို လုပ်တဲ့ အပေါ် ကျွန်တော်တို့ကတော့ ကျေနပ်ပါတယ်။ သူတို့ (နအဖ) ဆီမှာ ဒူးထောက်ပြီးတော့ အညံ့ခံပြီး ရွေးကောက်ပွဲ ဝင်မယ်ဆိုရင်တော့ သူတို့ သဘော အတိုင်းသာ ဖြစ်သွားပါမယ်။

မေး။ နောက်ဆုံး အနေနဲ့ လာမယ့် နအဖ စစ်အစိုးရရဲ့ ရွေးကောက်ပွဲနဲ့ ပတ်သက်ပြီးတော့ ရခိုင်ပြည်သူလူထု အပေါ်မှာ ဘာတွေပြောချင်ပါသလဲ။

ရခိုင်ပြည်သူ ပြည်သား အားလုံးကို ပြောကြားချင်တာက ကျွန်တော်တို့ ရခိုင်လူမျိုးဟာ ကိုယ့်မင်း၊ ကိုယ့်ချင်း၊ ကိုယ့်စာပေ ကိုယ်ယဉ်ကျေးမှုနဲ့ နေလာခဲ့တဲ့ လူမျိုးတမျိုးဖြစ်ပါတယ်။ “ရခိုင်” ဆိုတာ အမျိုးဘာသာ သာသနာကို စောင့်ထိန်းတဲ့ လူမျိုးပါ၊ အဲဒီအတွက်ကြောင့် ကိုယ်ဟာ ဘာလဲ၊ ကိုယ်ဟာ ဘာလူမျိုးလဲဆိုတာကို ပြန်သုံးသပ်ပြီးတော့ ရခိုင် ဆိုတဲ့ အသိနဲ့ အညီ အတူတကွ လက်တွဲပြီးတော့ ညီညီညွတ်ညွတ်နဲ့ နေထိုင် လုပ်ကိုင်ကြဖို့ လိုပါလိမ့်မယ်လို့ ပြောကြားလိုပါတယ်။

( ပြီး)

ကိုမင်းဆက်ခိုင် မေးမြန်းသည်။

နစက တပ်သားများ နေရာကောင်းမှ မပြောင်ကြေး ကျပ်ငွေ ၅ သိန်းထိရှိ

3/27/2010

ရခိုင်ပြည်နယ် မောင်တောမြို့နယ်တွင် တာဝန်ထမ်းဆောင်နေသော နစက တပ်ဖွဲ့ဝင်များ အကြား ၀င်ငွေကောင်းသော စခန်းများမှ မပြောင်းရွှေ့ရရေး ကြေးမှာ တနှစ်အတွက် ကျပ်ငွေ ၅ သိန်း ထိရှိကြောင်း နစက တပ်သား တဦးက ပြောသည်။

“ကျွန်တော်တို့ နစက တပ်ဖွဲ့ဝင်တွေကို များမကြာမှီ အပြောင်းအရွှေ့ လုပ်တော့မှာ ဖြစ်ပါတယ်။ အဲသလို အပြောင်းအရွှေ့ လုပ်တဲ့အခါ နယ်မြေကောင်းတဲ့ စခန်းတွေ ကနေ မပြောင်းရရေး အတွက် နစက ဌာနချုပ်က တပ်ရေး ဗိုလ်ကြီးနဲ့ အိုင်အို ဗိုလ်ကြီးတို့ ကျပ်ငွေ ၃သိန်းကနေ ၅သိန်းထိ ပေးရပါတယ်။ မပေးနိုင်တဲ့ သူတွေကို အပြောင်းအရွှေ့ လုပ်ပါတယ်။ ပေးနိုင်တဲ့သူတွေက နယ်မြေကောင်းတွေမှာ ဆက်လက် နေထိုင်ခွင့်ရပါတယ်။”

မောင်တောမြို့နယ်တွင် နစက နယ်မြေများကို အပေါ်နယ်မြေ ၁၊ ၂၊ ၃ နှင့် အောက်နယ်မြေ ၄၊ ၅၊ ၆၊ ၇၊ ၈ ဟု ခွဲခြားထားသည်ဟု သိရသည်။ အပေါ် နယ်မြေမှာ မောင်တောမြို့နယ် မြောက်ပိုင်း ဖြစ်ပြီး အောက်နယ်မြေမှာ မောင်းတောမြို့နယ် တောင်ပိုင်း ဖြစ်သည်။

“ နစက တပ်ဖွဲ့ဝင်တိုင်းလိုလိုက မောင်တော တောင်ပိုင်း အောက်နယ်မြေမှာ တာဝန် ထမ်းဆောင် ချင်ကြပါတယ်။ ဘာဖြစ်လို့လဲ ဆိုတော့ တောင်ပိုင်း နယ်မြေတွေ ဖြစ်တဲ့ နစက နယ်မြေ ၄ ကနေ ၈ထိ ဒေသတွေမှာ ပုဇွန်ကန်တွေ ရှိပြီး ပင်လယ်နဲ့ နီးတဲ့ အတွက် အထူးဝင်ငွေ ကောင်းပါတယ်။ အောက်ဆိုဒ်ရပါတယ်။ အဲဒီ တောင်ပိုင်း နယ်မြေတွေမှာ တာဝန်ထမ်းဆောင်လိုရင် ကျီးကန်းပြင် နစက ဌာနချုပ်က တပ်ရေးဗိုလ်ကြီးနှင့် အိုင်အို ဗိုလ်ကြီးတို့ ကို ငွေပေးရပါတယ်။ ဒီနှစ် ခေါ်ကြေးကတော့ ၃ သိန်းနဲ့ ၅ သိန်း အကြားမှာ ရှိနေပါတယ်” ဟု သူက ပြောသည်။

များမကြာမှီ ပုဇွန်ရာသီ ရောက်တော့မည် ဖြစ်သဖြင့် နစက တပ်ဖွဲ့ဝင်တိုင်း ၀င်ငွေကောင်းသော တောင်ပိုင်းနယ်မြေများသို့ ပြောင်းရွှေ့လိုသည်ဟု သိရသည်။

မောင်တော တောင်ပိုင်းတွင် တည်ရှိသော အင်းဒင်ကျေးရွာမှ ကျောင်းဆရာ တဦးက “ ကျွန်တော်တို့ တောင်ပိုင်းမှာ တာဝန် ကျနေတဲ့ သူတွေဟာ ယခင် ထောက်လှမ်းရေးတွေ ခေတ်ကောင်းတုန်းက ငွေတွေ အများကြီး ရလိုက်တဲ့ အဖွဲ့ (၁) စစ်တပ်က လူတွေ ဖြစ်ပါတယ်။ သူတို့မှာ ပုဇွန်ကန်တွေမှာ အစုစပ်ပါသလို ကိုယ်ပိုင် ပုဇွန်ကန်တွေလည်း ရှိကြပါတယ်။ ပြည်သူတွေကို ငွေချေးဌားတဲ့ အလုပ်တွေကိုလည်း လုပ်ကိုင်ကြပါတယ်။ တချို့ဆိုရင် မောင်တောတောင်ပိုင်း နယ်မြေတွေမှာ တာဝန်ကျနေတာ ၁၀ နှစ် နီးပါး ရှိနေပါပြီ။ တခါမှ မပြောင်းရွှေ့ရပါဘူး။ ခုလို မပြောင်းရွှေ့ဖို့ အတွက် နစက ဌာနချုပ်မှာ ငွေပေးရတယ်လို့ သိရပါတယ်” ဟု ပြောသည်။

ဆင်းရဲသော နစက တပ်ဖွဲ့ဝင်များမှာ ကင်းစောင့်ခြင်း၊ လုပ်အားပေး လုပ်ရခြင်း၊ ဌာနချုပ်တွင် တာဝန်ထမ်းဆောင်ရခြင်း တို့ဖြင့်သာ အချိန်ကုန်နေရပြီး လစာ မလုံလောက်သဖြင့် အဆင်မပြေ ဖြစ်ကာ မ၀ရေစာ စားသောက် နေကြရသည်ဟု သိရသည်။

ငွေကြေး မတတ်နိုင်သဖြင့် ၀င်ငွေကောင်းသော နယ်မြေများသို့လည်း ပြောင်းရွှေ့ ခွင့်မရဘဲ ရှိနေကြသဖြင့် အောက်ခြေ နစက တပ်ဖွဲ့ဝင်များ အကြားတွက် အထူး မကျေနပ်မူ များလည်း တိုးပွားနေသည်ဟု သိရသည်။

ရခိုင်တွင် ပါတီသစ်ဖွဲ့မည်
ကိုထွေး Wednesday, March 24, 2010
E-mail Print
ရွေးကောက်ပွဲတွင် ပါဝင်ယှဉ်ပြိုင် ရန်အတွက် ရခိုင်တိုင်းရင်းသား ပါတီသစ်တရပ် မှတ်ပုံတင်ရန် ပြင်ဆင်နေကြောင်း သိရသည်။

ပြည်ထောင်စု မြန်မာနိုင်ငံ အမျိုးသား အင်အားစု (ရခိုင်ပြည်နယ်) ဟု ယာယီ အမည်ပေး ထားသည့် ပါတီသည် ရခိုင် ပြည်နယ်တွင် အဓိက ယှဉ်ပြိုင်မည် ဖြစ်သည်။

ပါတီမှတ်ပုံတင်ရေး လုပ်ထုံးလုပ်နည်းများနှင့် ပတ်သက်၍ အဖွဲ့ဝင်တချို့နှင့် ခေါင်းဆောင်များ ဆွေးနွေးကြမည်ဟု ပါတီဥက္ကဌ ဦးအေးကြိုင်ကပြောသည်။

“မနက်ဖြန် အစည်းအဝေး ဆုံးဖြတ်ချက်ပေါ် မူတည်ပြီး အဖြေပေးရမယ်။ အခြေအနေအရဆိုရင် ၉၀ ရာခိုင်နှုန်းလောက်ကတော့ သေချာပါတယ်။ ကမ္ဘာပေါ်မှာ လူရှိနေသရွေ့ ၀ိရောဓိ၊ ပဋိပက္ခဆိုတာရှိတယ်၊ အဲဒီအပေါ်မှာ ကျနော်တို့ က နှစ်ဦးနှစ်ဘက် အကျိုးရှိတဲ့ အပြုသဘောနဲ့ ဖြေရှင်းမယ့် နည်းစနစ်ကို ဆောင်ရွက်သွားမယ်” ဟု ဦးအေးကြိုင်က ဆိုသည်။

ရခိုင်ပြည်နယ် ၁၇ မြို့နယ်အနက် ၁၄ မြို့နယ်တွင် အဖွဲ့ခွဲများ ဖွဲ့စည်းထားပြီးဖြစ်ကြောင်း၊ ၎င်းပါတီ ရုံးချုပ်က ပြောသည်။

ဦးအေးကြိုင်သည် ၁၉၉၀ ပြည့်နှစ်တွင် တိုင်းရင်းသားစည်းလုံးညီညွတ်ရေး ပါတီ (တစည) ၏ မြောက်ဦး မြို့နယ် စည်းရုံးရေး ကော်မတီတွင် အတွင်းရေးမှူး ဖြစ်ခဲ့သည်။

တစည ပါတီသည် ၁၉၈၈ လူထုအုံကြွမှုအပြီး ယခင်က ဦးနေ၀င်း ဦးဆောင်ခဲ့သော မြန်မာ့ဆိုရှယ်လစ် လမ်းစဉ်ပါတီ (မဆလ) ကို အမည်ပြောင်း ဖွဲ့စည်းခဲ့ခြင်းဖြစ်သည်။

၁၉၉၀ ရွေးကောက်ပွဲတွင် ရခိုင်ပြည်နယ်က မဲဆန္ဒနယ်ပေါင်း ၂၆ ခုရှိခဲ့ရာ ရခိုင် ဒီမိုကရေစီ အဖွဲ့ချုပ်က ၁၁ နေရာ၊ အမျိုးသား ဒီမိုကရေစီအဖွဲ့ချုပ်(NLD) က ၉ နေရာ၊ အမျိုးသား လူ့အခွင့်အရေး ဒီမိုကရက်တစ် ပါတီက ၄ နေရာ၊ ကမန်အမျိုးသား ဒီမိုကရေစီ အဖွဲ့ချုပ်နှင့် မြို (ခေါ်) ခမီ အမျိုးသား ညီညွတ်ရေး အဖွဲ့က ၁ နေရာ အသီးသီး အနိုင်ရခဲ့သည်။

ရခိုင် ဒီမိုကရေစီ အဖွဲ့ချုပ်ကမူ မျှတမှုမရှိသည့် ၂၀၀၈ ဖွဲ့စည်းပုံ အခြေခံဥပဒေကြောင့် ကျင်းပမည့် ရွေးကောက်ပွဲကို ၀င်ရောက်ယှဉ်ပြိုင်မည် မဟုတ်ကြောင်း၊ သို့သော်လည်း ရခိုင်ပြည်နယ်မှ အဖွဲ့ဝင်များကို သဘောထား မေးမြန်းရန် ရန်ကုန်သို့ ခေါ်ယူထားကြောင်း ၎င်းပါတီ အတွင်းရေးမှူး ဦးအေးသာအောင်က ပြောသည်။

“ရခိုင်က လူအများစုက ကျနော်တို့ ပါတီကို စောင့်ကြည့်နေကြတယ်။ ရန်ကုန်က ပါတီဝင်တွေကတော့ ရွေးကောက်ပွဲမှာ မပါဝင်ချင်ကြဘူး” ဟု ၎င်းက ဆိုသည်။

နိုင်ငံရေး ပါတီအဖြစ် အသွင်ပြောင်းမည်ဟု အများက ယူဆထားကြသည့် ပြည်ထောင်စု ကြံခိုင်ရေးနှင့် ဖွံ့ဖြိုးရေး အသင်းက ရခိုင်ပြည်နယ်တွင် တိတ်တဆိတ်မဲဆွယ် စည်းရုံးမှုများ ဆောင်ရွက်နေကြောင်း ဒေသခံများကဆိုသည်။

လက်ရှိတွင် အာဏာပိုင်များကလည်း ထိုဒေသတွင် နေထိုင်သည့် ရိုဟင်ဂျာများကို အဖြူရောင် ဧည့်နိုင်ငံသား ကတ်များ ထုတ်ပေးလျက်ရှိကြောင်းသိရသည်။

ဘင်္ဂလားဒေ့ရှ် အခြေစိုက် နိရဉ္စရာ သတင်းဌာန အယ်ဒီတာ ကိုခိုင်မြတ်ကျော်က “ရခိုင်ပြည်နယ် မြောက်ပိုင်းမှာ သူတို့က နေလာတာလည်း ကြာပြီ။ သူတို့ကိုလည်း မဲထည့်ခွင့်တော့ပေးမှာပေါ့လေ၊ မဲထည့်ခွင့်ပေးဖို့ လိုအပ်လို့ အဲဒီကတ်တွေ ထုတ်ပေးတာပေါ့” ဟုဆိုသည်။

ရခိုင် ပြည်နယ်ရှိ လူဦးရေ ၂. ၇၅ သန်းအနက် ၃၀ ရာခိုင်နှုန်းမှာ ရိုဟင်ဂျာများဖြစ်သည်။ ပြည်နယ်တွင် ဒုတိယအများဆုံး လူမျိုးစု ဖြစ်ပြီး ပြည်နယ် မြောက်ပိုင်း ဘူးသီးတောင်၊ မောင်တော၊ ရသေ့တောင် မြို့နယ်များတွင် နေထိုင်ကြသည်။

၁၉၉၀ ရွေးကောက်ပွဲတွင် ရိုဟင်ဂျာများသည်လည်း မဲပေးခွင့်ရရှိခဲ့ကြသည်။

ပြည်သူ့လွှတ်တော် ရွေးကောက်ပွဲ ဥပဒေ အခန်း (၄) ၆ (က) အရ ရွေးကောက်ပွဲ ကျင်းပသည့်နေ့တွင် အသက် ၁၈ နှစ်ပြည့်ပြီး ဥပဒေပါ ပြဌာန်းချက်မှားနှင့် မဆန့်ကျင်သော နိုင်ငံသား၊ ဧည့်နိုင်ငံသား၊ နိုင်ငံသားပြုခွင့် ရသူ (သို့) ယာယီ သက်သေခံ လတ်မှတ် ကိုင်ဆောင်ထားသူများသည် ဆန္ဒမဲပေးပိုင်ခွင့် ရှိသူများဖြစ်သည်။

ပါတီ ၂ ခု စတင် မှတ်ပုံတင်
ကိုထွေး Monday, March 22, 2010
E-mail Print
ရွေးကောက်ပွဲ ၀င်မည်ဟု ကြေညာ ထားသည့် အဖွဲ့ ၂ ခုက နိုင်ငံရေး ပါတီများအဖြစ် မှတ်ပုံတင်ရန် ရွေးကောက်ပွဲ ကော်မရှင်သို့ ယနေ့ လျှောက်လွှာ တင်လိုက် ကြသည်။

ပထမဆုံး လျှောက်ထားသည့် အဖွဲ့သည် “၈၈ မျိုးဆက်ကျောင်းသား လူငယ်များ(ပြည်ထောင်စု မြန်မာနိုင်ငံ)” ဖြစ်ပြီး ဒုတိယ လျှောက်ထားသည့် အဖွဲ့မှာ “အမျိုးသား နိုင်ငံရေး အဖွဲ့ချုပ် (ပြည်ထောင်စု မြန်မာနိုင်ငံ)” ဖြစ်သည်။

[ပြီးခဲ့သည့် လဆန်းပိုင်းက တွေ့ရသည့် နေပြည်တော်ရှိ တည်ဆောက်ဆဲ လွှတ်တော် အဆောက် အအုံများ (ဓာတ်ပုံ - AP)]

ပြီးခဲ့သည့် လဆန်းပိုင်းက တွေ့ရသည့် နေပြည်တော်ရှိ တည်ဆောက်ဆဲ လွှတ်တော် အဆောက် အအုံများ (ဓာတ်ပုံ - AP)
နေပြည်တော်ရှိ ရွေးကောက်ပွဲ ကော်မရှင်ရုံးက လျှောက်လွှာ လက်ခံရ ရှိကြောင်း စာတစောင် ထုတ်ပေးသည်ဟု အမျိုးသား နိုင်ငံရေး အဖွဲ့ချုပ် ခေါင်းဆောင် ကိုအေးလွင်က ဧရာဝတီကို ပြောသည်။

“အစစ အရာရာ ဒီတိုင်းပြည် နောက်ကျ ကျန်ခဲ့တယ်၊ ဒီ လူ့အဖွဲ့ အစည်းက နောက်ကျ ကျန်ခဲ့တယ်လေ၊ အဲဒါအတွက် ကျနော်တို့ နိုင်ငံရေး အရ ဖြည့်ဆည်း စွမ်းဆောင် ပေးနိုင်မယ့် အခွင့် အလမ်းတခု ပေါ်လာပြီလို့ ခံစားမိပါတယ်” ဟု ကိုအေးလွင်က ဆိုသည်။

သူ၏ ညီဖြစ်သူ ကိုရဲထွန်းက ၈၈ မျိုးဆက် ကျောင်းသား လူငယ်များ (ပြည်ထောင်စု မြန်မာနိုင်ငံ) တွင် ဥက္ကဋ္ဌ အဖြစ် တာဝန် ယူထားသည်။ ကိုအေးလွင်သည် စစ်အစိုးရ အာဏာပိုင်များနှင့် ရင်းနှီးသည့် ဆက်ဆံရေး ရှိပြီး မြန်မာနိုင်ငံ ရဲတပ်ဖွဲ့ ရဲချုပ်၊ ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်း တို့နှင့် လွန်ခဲ့သည့် ၅ လခန့်က တွေ့ဆုံဆွေးနွေးခဲ့ကြောင်း သိရသည်။

၈၈ မျိုးဆက်ကျောင်းသား လူငယ်များ ဟု အမည်ပေးထားသော်လည်း ထိုအဖွဲ့သည် အကျဉ်းကျခံနေရသော ၈၈ မျိုးဆက် ကျောင်းသား ခေါင်းဆောင် မင်းကိုနိုင်၊ ကိုကိုကြီးတို့၏ အင်အားစုနှင့် သဘောထား တူညီခြင်း မရှိပေ။

ယနေ့ ကော်မရှင်ရုံးသို့ တင်သွင်းသည့် လျှောက်လွှာသည် မှတ်ပုံတင်ရန် ခွင့်ပြုချက် ရရေးအတွက် ဖြစ်သည်ဟု ဆိုသည်။ ကော်မရှင်က မှတ်ပုံတင်ခွင့် ပြုမပြု အကြောင်းပြန်မည့်ရက်ကို မသိရသေးဟု ကိုအေးလွင်က ပြောသည်။

နိုင်ငံရေးပါတီ မှတ်ပုံတင်ခြင်း နည်းဥပဒေ ပုဒ်မ ၇ တွင် “မှတ်ပုံတင်ကြေး ငွေကျပ် သုံးသိန်း ကို ကော်မရှင်က သတ်မှတ်သည့် နည်းလမ်းများ အတိုင်း ပေးသွင်းရမည် ဖြစ်သည်။ ရွေးကောက်ပွဲ ကော်မရှင်မှ ပါတီ တည်ထောင်ရန် ခွင့်ပြုချက်ရသည့်နေ့မှ စ၍ ရက်ပေါင်း ၃၀ အတွင်း မိမိတို့ ပါတီကို နိုင်ငံရေးပါတီအဖြစ် မှတ်ပုံတင်ပေးရန် ကော်မရှင်သို့ လျှောက်ထားရမည်” ဟု ပါရှိသည်။

ဤအတောအတွင်း နိုင်ငံရေး အဖွဲ့ တချို့ကလည်း အမြန်ဆုံး မှတ်ပုံတင်နိုင်ရေးအတွက် စီစဉ်လျက် ရှိသည်။

ဒီမိုကရက်တစ်ပါတီ ခေါင်းဆောင် ဦးသုဝေက“မနေ့က အစည်းအဝေးကတော့ မှတ်ပုံတင်ဖို့ ဆုံးဖြတ်လိုက်ပြီ၊ ကျနော်တို့က ကိုယ်စားလှယ် တယောက် ရွေးပြီး အခု တရက် နှစ်ရက်အတွင်းမှာ နေပြည်တော်ကို လွှတ်လိုက်ရမယ်” ဟု ပြောသည်။

ကချင်လွတ်လပ်ရေး အဖွဲ့ (KIO) မှ ခွဲထွက်ပြီး နိုင်ငံရေး ပါတီ တည်ထောင်ထားသည့် ဒေါက်တာ မနန်တူးဂျာ ဦးဆောင်သော ကချင်ပြည်နယ် တိုးတက်ရေး ပါတီ (KSPP) က မကြာမီ မှတ်ပုံတင်မည်ဟု ဆိုသည်။

ရှမ်းတိုင်းရင်းသား ၀ါရင့်နိုင်ငံရေးသမား ဦးရွှေအုန်းက“အခုမှ ဆွေးနွေးတုန်း ရှိပါသေးတယ်၊ နောက် ၁၀ ရက်လောက် ဆို တင်ဖြစ်ပါလိမ့်မယ်” ဟု ပြောသည်။

တယ်လီဖုန်းဖြင့် ချစ်သူ ရှာဖွေခြင်း
ဇာနည်ဝင်း Tuesday, March 30, 2010
E-mail Print
သွားလေရာ ကိုယ်နှင့်မကွာ ဆောင်ထားနိုင်သည့် လက်ကိုင် ဖုန်းများက ထိုင်း နိုင်ငံရောက် မြန်မာ အလုပ်သမားများကို ကောင်းစွာ အကျိုးပြုနေသည်။ ထိုတယ်လီဖုန်းများက မြန်မာပြည်သားတို့ ချစ်သူရည်းစား ရှာဖွေရာတွင် အလွန် အသုံးတည့်နေကြောင်း တွေ့ရသည်။

[အလုပ် နားချိန်တွင် တယ်လီဖုန်း ဆက်နေကြသော ထိုင်း နိုင်ငံရောက် မြန်မာ ပြည်သား အလုပ်သမား တချို့ (ဓာတ်ပုံ - ဇာနည်ဝင်း)]

အလုပ် နားချိန်တွင် တယ်လီဖုန်း ဆက်နေကြသော ထိုင်း နိုင်ငံရောက် မြန်မာ ပြည်သား အလုပ်သမား တချို့ (ဓာတ်ပုံ - ဇာနည်ဝင်း)
ဘန်ကောက် မြို့အနီး မြန်မာ ပြည်သား များစွာ ရောက်ရှိ နေသည့် မဟာချိုင် ဒေသတွင် တယ်လီဖုန်း အားကိုးဖြင့် ကြင်ဖော် ရသွားသူ အများအပြား ရှိရာ ထိုအထဲတွင် ကျော်စိုးဟု သူ့ကိုယ်သူ မိတ်ဆက်သော မော်လမြိုင် ဇာတိ အသက် ၂၅ နှစ် အရွယ် စက်ရုံ အလုပ်သမား တဦးလည်း ပါဝင်သည်။

“တယ်လီဖုန်းနဲ့ ဆိုတော့ ပိုပြီး ပြောရဲကြတယ်၊ သက်သောင့် သက်သာ ဖြစ်တယ်၊ အပြင်မှာ လူကိုယ်တိုင် ချိန်းတွေ့ပြီး စကား ပြောကြဖို့ ဆိုတာ မလွယ်ဘူးလေ” ဟု ကိုကျော်စိုးက ပြောပြသည်။

ကိုကျော်စိုးသည် လွန်ခဲ့သည့် နှစ်ဆန်းပိုင်း အထိ ပင်လယ် ကမ်းခြေ ပတ္တရားမြို့ရှိ တည်းခိုခန်း တခုတွင် အလုပ် လုပ်ကိုင်ခဲ့သူ ဖြစ်သည်။ သူငယ်ချင်းများ၏ ကောင်းမှုဖြင့် မဟာချိုင်ရှိ မြန်မာအမျိုးသမီး တဦးနှင့် တယ်လီဖုန်း အဆက်အသွယ် ရသွားသည်။

“ပထမဆုံးတော့ သူငယ်ချင်းတွေ အကြောင်း ပြောတယ်၊ နောက်တော့ သူ့ အကြောင်း၊ ကိုယ့် အကြောင်း၊ လုပ်ငန်းခွင် အကြောင်း ပြောတယ်။ တပတ်လောက် ပြောပြီးတော့ ဖုန်းထဲမှာပဲ ရည်းစား ဖြစ်သွားကြတယ်” ဟု ကိုကျော်စိုးက ရှင်းပြသည်။

တယ်လီဖုန်းလိုင်းမှတဆင့် ၅ လခန့် ချစ်ကြိုးသွယ်ပြီးနောက် ကျော်စိုးက မဟာချိုင်ဒေသသို့ ပြောင်းရွှေ့လိုက်သည်။ ဆံထုံးနောက် ယောင်ပါပြီး တအိုးတအိမ် ထူထောင်ခြင်း ဖြစ်လေသည်။ လက်ကိုင်ဖုန်း အသုံးပြုရေးမှာ မြန်မာပြည်ကဲ့သို့ ခက်ခဲမည် ဆိုပါက ချစ်သူ ရရေးသည်လည်း ခက်ခဲနေဦးမည်ဟု ကိုကျော်စိုးက ဆိုသည်။

ထိုင်းနိုင်ငံတွင် ဖုန်းနံပါတ်အတွက် Sim Card တခု ၀ယ်ယူရန် လျှောက်လွှာ အဆင့်ဆင့်တင်ပြီး စောင့်ဆိုင်းရန် မလိုအပ်ခြင်းမှာ ၎င်းတို့၏ အချစ်ရေးအတွက် အားသာချက်တခု ဖြစ်နေသည်။ တယ်လီဖုန်းအတွင်း ထည့်ရမည့် Sim Card ကို မြန်မာပြည် ကွမ်းယာဆိုင်များကဲ့သို့ နေရာတကာတွင် တွေ့ရသော တယ်လီဖုန်းဆိုင်လေးများသို့ သွားရောက်ပြီး အလွယ်တကူ ၀ယ်ယူနိုင်သည်။ တန်ဖိုးမှာလည်း တနေ့တာ လုပ်အားခထက် နည်းပါးသည်။

ဈေးသက်သာသည့် တယ်လီဖုန်းတလုံး၏ တန်ဖိုးမှာ ဘန်ကောက်ရောက် မြန်မာအလုပ်သမား တဦး၏ ငါးရက် လုပ်အားခထက် မပိုပေ။ ကိုယ်တိုင် ဓာတ်ပုံရိုက်ပြီး ချစ်သူထံ ပို့လိုသူများက ကင်မရာပါသည့် ဖုန်းကို ရှာဖွေ ၀ယ်ယူကြလေသည်။ ကင်မရာပါသည့် ဖုန်းအတွက် ကုန်ကျငွေက အလုပ်သမားတယောက်၏ တလ၀င်ငွေလည်း ဖြစ်နိုင်သည်။ သို့သော်လည်း နှလုံးသားရေးအတွက် ထိုသို့ ကုန်ကျရခြင်းကို ၀န်လေးကြပုံမရပါ။

ထိုင်းသည် ဖုန်းကုမ္ပဏီကြီးများ အပြိုင်အဆိုင် ဈေးကွက်ရှာသည့် နိုင်ငံ ဖြစ်သောကြောင့် နေရာအနှံ့အပြား တယ်လီဖုန်းလိုင်း အသံကြည်လင် ပြတ်သားမှု ရှိနေသဖြင့် တယ်လီဖုန်းချစ်သူများ အဆင်ပြေစွာ တီတီတာတာ ပြောဆိုနိုင်ကြလေသည်။ ကွန်ပျူတာ အင်တာနက်နှင့် အလှမ်းဝေးသော်လည်း တယ်လီဖုန်းအားကိုးဖြင့် ချစ်သူရည်းစား ရှာဖွေနိုင်သည်။


တယ်လီဖုန်းအားကိုးဖြင့် ရလာသော ချစ်သူကို အလေးအနက်ထားသူ ရှိသကဲ့သို့ အပျော်သဘောဖြင့် ရည်းစားထားသူများလည်း ရှိသည်ဟု အလုပ်သမားများက ပြောပြကြသည်။ ရည်းစား သုံးလေးယောက် တပြိုင်နက်ထားသူလည်း ရှိသည်ဟု ဆိုသည်။

တယ်လီဖုန်းချစ်သူ နှစ်ဦးသည် ဒေသတခုအတွင်း နေထိုင်ပါက ၎င်းတို့၏ အချစ်ရေးမှာ တမျိုးတဖုံ ပြောင်းလဲသွားနိုင်သည်ဟု ငါးဖမ်းလုပ်ငန်းဖြင့် စည်ကားနေသော မဟာချိုင်ဒေသမှ အလုပ်သမားအရေး လုပ်ကိုင်သူတဦးက ဆိုသည်။

“တယောက်နဲ့တယောက် မဆုံဖြစ်သေးဘူး၊ ဖုန်းထဲမှာတော့ ကြိုက်နေပြီ။ အပြင်မှာ ချိန်းတွေ့ကြတယ်၊ မတွေ့ခင် တနေရာရာကနေ ခိုးကြည့်တယ်။ မချောဘူး ဆိုရင် သွားမတွေ့တော့ဘူး၊ ဖုန်းဆက်လာရင်လည်း မကိုင်တော့ဘူး။ ဒါမျိုးတွေလည်း ရှိတယ်” ဟု ပင်လယ်ပျော်များသမဂ္ဂ မှ ကိုတင်ကိုက ပြောပြသည်။

အလုပ်နားချိန်တွင် ဖုန်းဖြင့် အလုပ်များနေကြသူများကို အမြောက်အမြား တွေ့ရမည်ဟု သူက ရှင်းပြသည်။

မြန်မာပြည်သား အလုပ်သမားများသည် လုပ်ငန်းခွင် ပြင်ပတွင် ကြင်ဖက်ရှာဖွေရန် ခက်ခဲသည်ဟု ဘန်ကောက်မြို့ ဆူကွန်ဗစ်လမ်းတွင် နေထိုင်သည့် ကိုရန်ကုန် ဆိုသူ လူငယ်တဦးက ပြောသည်။

“ထိုင်းတွေနဲ့ တွဲဖို့က ဘာသာ စကား အခက်အခဲ ရှိတယ်။ တချို့ဆိုရင် အလုပ်နဲ့အိမ်နဲ့ပဲ အချိန်ကုန်တယ်။ အိမ်ဖော် လုပ်တဲ့သူလည်း အိမ်ထဲမှာပဲ အချိန်ကုန်တယ်။ ရည်းစားထားဖို့ဆိုရင် တခြား ရွေးစရာ မရှိဘူး၊ ဖုန်းနဲ့ပဲ ထားကြတယ်” ဟု ကိုရန်ကုန်က ရှင်းပြသည်။

တချို့သော အလုပ်သမားတို့က လုပ်ငန်းခွင်နှင့် အိမ်တွင် အထီးကျန်နေတတ်ပြီး မိတ်ဆွေများနှင့် အဆက်အသွယ် လုပ်ရန် တယ်လီဖုန်းကို အားကိုးရသည်။ မိတ်ဆွေများက တယ်လီဖုန်းဖြင့် အောင်သွယ်ပေးတတ်သည်ဟု ဆိုသည်။

“အလုပ်ထဲမှာ ငါတို့ရွာက သူငယ်ချင်းတယောက် ရှိတယ်၊ သိပ်မိုက်တယ်၊ ပြောမလား၊ ငါ မိတ်ဆက်ပေးမယ်ဆိုပြီး ပြောပေးရာကနေ အဆင်ပြေသွားတာ များတာပဲ” ဟု ကိုရန်ကုန်က ပြောသည်။

ကိုရန်ကုန် ဆိုသည်မှာ သူ၏ အမည်ရင်း မဟုတ်ပေ၊ ရန်ကုန်သားဖြစ်သော သူ့ကို နယ်အသီးသီးမှရောက်လာသည့် မိတ်ဆွေများက ပေးထားသော အမည် ဖြစ်သည်။ ယခု သူ၏ ရည်းစားမှာလည်း မိတ်ဆွေများက မိတ်ဆက် ပေးထားခြင်းဖြစ်သည်ဟု ကိုရန်ကုန်က ရယ်ရယ်မောမော ပြောပြသည်။

ဤသို့ဖြင့် လက်ကိုင်ဖုန်း ပေါများသော ထိုင်းနိုင်ငံရောက် မြန်မာအလုပ်သမား လူငယ် အများအပြားတွင် တယ်လီဖုန်းရည်းစား ကိုယ်စီ ရှိနေကြသည်။ တလလျှင် ဘတ် ၂၀၀ (၆ဒေါ်လာခန့်) အကုန်အကျခံရုံဖြင့် အချိန်ပြည့် ဖုန်းပြောဆိုနိုင်သည့် နည်းလမ်းကိုလည်း သူတို့ သိထားကြသည်။ ဖုန်းကုမ္ပဏီများ၏ ပြိုင်ဆိုင်မှုက ချစ်သူများ တယ်လီဖုန်းဖိုး ကုန်ကျစရိတ်ကို အဆင်ပြေစေသည်။ တချို့က ဘတ် ၂၀ ဖြင့် တနေကုန် ဖုန်းပြောနိုင်သည့် နည်းလမ်းကိုပင် သိထားကြသည်။

ကလေးတွဲလောင်းနှင့် အိမ်ထောင်ရှင်တချို့ကလည်း လူလွတ် ဟန်ဆောင်ပြီး ဖုန်းဖြင့် ရည်းစားရှာကြသည်ဟု ဆိုသည်။

အလုပ်နားချိန် မတူညီခြင်း၊ နေထိုင်သည့် ရပ်ကွက် မတူခြင်း တို့ကြောင့် ထိုင်းရောက် မြန်မာပြည်သားတို့မှ တယောက်နှင့်တယောက် ဆုံတွေ့ကြရန် ခက်ခဲနေသည်။ အများအပြားမှာ အလုပ်သမား လက်မှတ် မရှိသဖြင့် လုံခြုံရေး အခက်အခဲ ရှိသည်၊ တနေရာမှ တနေရာသို့ သွားလာရန် စွန့်စားရသောကြောင့် အချင်းချင်း ဆုံတွေ့ကြရန် ခက်ခဲသည်။ ဤအခြေအနေများကြောင့် ချစ်သူရည်းစား ရရှိရန်မှာ ပို၍ ခက်ခဲလာသည်။ သို့သော်လည်း တယ်လီဖုန်းက သူတို့၏ နှလုံးသားရေးရာ အခက်အခဲကို ဖြေရှင်းပေးလျက်ရှိသည်။

မြန်မာပြည်သား ၂ သန်းမှ ၄ သန်းအထိ ထိုင်းတွင် ရောက်ရှိနေသည်ဟု အလုပ်သမားအရေး လုပ်ကိုင်နေသူများက ခန့်မှန်းထားကြသည်။ အများအပြားက လက်ကိုင်ဖုန်းကိုယ်စီနှင့် ဖြစ်နေသည်။

ဘန်ကောက်ရောက်နေသူနှင့် ဖူးကက်မြို့ ရောက်နေသူ၊ ချင်းမိုင် (ဇင်းမယ်) ရောက်နေသူနှင့် နယ်စပ်မြို့ မယ်ဆိုင်တွင် ရောက်နေသူတို့ တယ်လီဖုန်းဖြင့် ချစ်ကြိုက်သွားကြသည့် ဖြစ်ရပ်များမှာ နေ့စဉ် ဖြစ်ပေါ်လျက် ရှိသည်။ မဟာချိုင်တွင် အခြေချနေသူ ကိုကျော်စိုးကဲ့သို့ ချစ်သူရှိရာ ဒေသသို့ ပြောင်းရွှေ့နေထိုင်ပြီး တွေ့ကြ ဆုံကြသည်။ ဒေသ တူသူများက အလုပ်နားချိန်တွင် လူငယ်ဘာဝ ချိန်းကြ တွေ့ကြသည်။

စိတ်သဘောထားခြင်း မတိုက်ဆိုင်၍ ကွဲကွာသွားကြသူများ ရှိသကဲ့သို့ ချစ်သူရည်းစားဘ၀မှ အိမ်ထောင်သည်ဘ၀သို့ ပြောင်းလဲသွားကြသူများလည်း ရှိသည်။ သို့ဆိုလျှင် တယ်လီဖုန်းဖြင့် ချစ်ကြိုက်ပြီး သမီးရည်းစားဘ၀မှ အကြင်လင်မယားအဖြစ် ပေါင်းသင်းနေထိုင်သွားသူ မည်မျှ ရှိမည်နည်း။ ဤမေးခွန်းကို မဟာချိုင်ရောက် ကိုကျော်စိုးက ခေတ္တ စဉ်းစားပြီး ဖြေပါသည်။

ကိုကျော်စိုးက သူ၏ အတွေ့အကြုံ၊ သူ၏ ပတ်ဝန်းကျင်မှ အဖြစ်အပျက်များအပေါ် အခြေခံပြီး “ဆယ်ယောက်မှာ နှစ်ယောက် သုံးယောက်လောက်ကပဲ တကယ် ယူကြတာပါ” ဟု ပြောလိုက်လေသည်။

ဗုဒ္ဓဘာသာနှင့် သက်ဆိုင်သော ပစ္စည်းများကို နစကမှ သိမ်းဆည်း

3/19/2010

ခိုင်သိန်း (နိရဉ္စရာ)
ဘင်္ဂလာဒေခ်ျ့ နိုင်ငံသို့ တင်ပို့ရန် သယ်ယူလာသည့် ကျပ်ငွေ သိန်း ၇၀ ခန့် တန်ဖိုးရှိသည့် ဗုဒ္ဓဘာသာနှင့် သက်ဆိုင်သော ပစ္စည်းများကို မောင်တောမြို့နယ် နစက တပ်ဖွဲ့ တခုမှ မတ်လ ၁၃ ရက်နေ့က သိမ်းဆည်း လိုက်သည်ဟု ခရီးသည် အမျိုးသမီး တဦးက ပြောသည်။

“ပစ္စည်း အများစုကတော့ သင်္ကန်း၊ ပိဋိကတ် စာအုပ်တွေနဲ့ ရွှေရောင် ယွန်းထည်ဗူးတွေ ဖြစ်ကြပါတယ်။ ကာလ တန်ဖိုးဆိုရင် ကျပ်ငွေ သိန်း ၇၀ ကျော်ဖိုးရှိပါတယ်။ အဲဒီပစ္စည်းတွေကို သိမ်းတဲ့ အပြင် ပစ္စည်းသယ်ယူလာတဲ့ အမျိုးသမီး တွေကိုလည်း လေးရက်တိတိ ချုပ်နှောင်ထားခဲ့ပါတယ်” ဟု ပြောသည်။

ဘင်္ဂလာဒေခ်ျ့ နိုင်ငံသည် မူဆလင် နိုင်ငံ တခု ဖြစ်သဖြင့် အဆိုပါ နိုင်ငံတွင် နေထိုင်သော ဗုဒ္ဓဘာသာဝင်များမှာ ဘာသာရေးနှင့် ပတ်သက်သော သင်္ကန်း၊ သင်းပိုင်၊ ထီး၊ ဘိနပ်များ အပြင် ဘာရေးစာအုပ်များနှင့် ဘုရား ဆင်းထုတော် များကို မြန်မာပြည်မှ မှာယူ တင်သွင်းကြရသည်။

ဘင်္ဂလာဒေခ်ျ့နှင့် မြန်မာ အစိုးရကြားတွင် အဆိုပါ ဘာသာရေးဆိုင်ရာ ပစ္စည်းများကို တင်သွင်းရန် တရားဝင် စာချုပ်စာတန်းများ မရှိသဖြင့် အဆိုပါ ပစ္စည်းများကို ဒေသအတွင်းက စီးပွားရေး လုပ်ငန်းရှင်များ အနေဖြင့် နားလည်မူဖြင့် မှောင်ခို တင်သွင်းကြရသည်။

ဘင်္ဂလာဒေခ်ျ့ အာဏာပိုင် အများစုမှာ အစ္စလာမ်ဘာသာဝင်များ ဖြစ်ကြသော်လည်း ဗုဒ္ဓဘာသာနှင့် သက်ဆိုင်သော ပစ္စည်းများကို သူ့နိုင်ငံ အတွင်းသို့ တင်သွင်းလာသည်ကို နားလည်မူဖြင့် ခွင်ြ့ပုကြသည်။

မြန်မာဘက်မှ နစက အရာရှိများကလည်း ဘာသာရေးနှင့် သက်ဆိုင်သော ပစ္စည်းများကို ဘင်္ဂလာဒေခ်ျ့သို့ တင်သွင်း သည်ကို ဖမ်းဆီးခြင်း မရှိဘဲ ဘာသာရေး ရှု့ထောင့်ကြည့်ကာ ခွင့်ပြုကြသည်ဟု သိရသည်။

မည်သည့်အတွက်ကြောင့် ယခုတကြိမ်တွင် ဘာသာရေးဆိုင်ရာ ပစ္စည်းများကို နစက အရာရှိများက ဖမ်းဆီး ရပါသလဲဟု မေးမြန်းရာ အဆိုပါ ခရီးသည် အမျိုးသမီး ယခုကဲ့သို့ပြောသည်။

“ အခု ဘာသာရေးဆိုင်ရာ ပစ္စည်းတွေကို ဖမ်းဆီးတာက မောင်တောမြို့နယ် မြောက်ပိုင်း နအစ နယ်မြေ ၄ က ငခူရ စခန်းမှူး ဗိုလ်မှူး တင်ဝင်းနဲ့ အဖွဲ့က ဖမ်းတာပါ။ ခုလို ဘာသာရေးဆိုင်ရာ ပစ္စည်းတွေကို နစက အာဏာပိုင် တွေက တဘက်နိုင်ငံကို တင်ပို့တာကို ကင်းလွှတ်ခွင့် ပေးထားပေမယ့် ခုတကြိမ်မှာ ဖမ်းတာက သင်္ကြန်နဲ့ နီးလာတဲ့ အတွက် ဖြစ်ပါတယ်။ သင်္ကြန်မှာ သူတို့က ပိုက်ဆံ အရမ်းလိုတော့ ဘာကိုမှ မစဉ်းစားဘဲ ဘာသာရေးနဲ့ ဆိုင်တဲ့ ပစ္စည်းကိုလည်း ဖမ်းဆီးလိုက်တာ ဖြစ်ပါတယ်။”

ဖမ်းဆီးခံရသော ပစ္စည်းများထဲတွင် သင်္ကန်းနှင့် သင်းပိုင် အထည် ၃၀၀၊ ရွှေရောင် ယွန်ဗူး အလုံး ၁၀၀ ၊ ပိဋိကတ်တော် စာအုပ် ၁၅၀ နှင့် ရခိုင်လုံချည် အထည် ၁၅၀ တို့ ဖြစ်သည်။

ဗိုလ်မှူးတင်ဝင်းမှ ပစ္စည်းသယ်လာသော အမျိုးသမီး ၃ ဦးကို မတ်လ ၁၇ ရက်နေ့က ပြန်လွှတ်လိုက်ပြီး ပစ္စည်းများ အားလုံးကို သိမ်းဆည်းထား လိုက်သည်ဟု အဆိုပါ ခရီးသည် အမျိုးသမီးက ပြောသည်။

ပစ္စည်းများ အသိမ်းခံရပြီး နစက စခန်းတွင် ၄ ရက်ခန့် ချုပ်နှောင်ခံထားရသူ အမျိုးသမီး သုံးဦးမှာ စစ်တွေမြို့ ဆင်ကူးလမ်းမှ မချိုမာ၊ မလှခင်ဝင်းနှင့် မမေစိုးတို့ ဖြစ်သည်။

နယ်ပြည်တော် အထူးတပ်ဖွဲ့မှ ဘင်္ဂလာသို့ သစ်နွား တင်ပို့ခွင့် ပါမိတ် တစ်ခုစီကို ကျပ်ငွေ(၁၀) သိန်းဖြင့် ထုတ်ရောင်း

3/22/2010

တာကလူး (နိရဉ္စရာ)
နအဖ စစ်ဌာနချုပ် နေပြည်တော်မှ ရခိုင်ပြည်နယ်သို့ စေလွှတ်ထားသည့် အထူးတပ်ဖွဲ့သည် ဘင်္ဂလာသို့ သစ်၊ နွား တင်ပို့ခွင့် ပါမိတ် တစ်ခုစီကို ကျပ်ငွေ (၁၀)သိန်းကျစီဖြင့် ယခုလ လဆန်းပိုင်းမှ စ၍ ထုတ်ရောင်းချပေးနေကြောင်း သတင်းရရှိသည်။

ပင်လယ် ရေကြောင်းဖြင့်သာ ခွင့်ပြုထားသည့် အဆိုပါ ဘင်္ဂလာသို့ သစ်နွား တင်ပို့ခွင့် ပါမိတ်ကို နေပြည်တော် အထူးတပ်ဖွဲ့မှ ဗိုလ်မှူးချုပ် မျိုးသန့်၏ လက်မှတ်ဖြင့် ခေါက်ရေ အလိုက် ထုတ်ပေး နေခြင်းဖြစ်ပြီး၊ အဆိုပါ လက်မှတ် မပါပဲ မှောင်ခို တင်ပို့သူများကို ဖမ်းဆီး အရေးယူ လျက်ရှိကြောင်း နယ်စပ်ကုန်သည် တစ်ဦးက နိရဉ္စရာသို့ ပြောသည်။

“ပါမိတ်က ဈေး အရမ်းကြီးပြီးတော့ တစ်ခေါက် တင်ပို့မယ်ဆိုရင် တစ်ခါ ပါမိတ်ခံရတယ်လေ။ ဘုတ်ကြီးကြီးနဲ့ အလုံးအရင်း တင်ပို့နိုင်တဲ့သူတွေ အတွက် အမြတ် အစွန်းတွေ ရှိနိုင်ပေမယ့် သူ့လိုကိုယ့်လို အရင်းအနှီး နည်းနည်းလေးနဲ့ လုပ်စားနေရသူတွေအတွက်တော့ အဲသလိုသာ ပေးနေရမယ်ဆိုရင် ဘယ်ကျန်မလဲဗျ” ဟု ၄င်းကုန်သည်က ပြောသည်။

အဆိုပါ ပါမိတ်များ ထုတ်ဝေ ပေးပြီးနောက် ဘင်္ဂလာရှိ တက္ကနာ နှင့် ရှင်မဖြူ ဆိပ်ကမ်းများသို့ ၀င်နိုင်မည့် နှာခေါင်းတောင်အနီးရှိ နတ်မြစ်ဝတွင် မောင်တော အလယ်သံကျော် အခြေစိုက် နစက နယ်မြေ (၇)မှ နစကများကို စက်လှေ(၃) စီးဖြင့် ကင်းချထားသည်။

၎င်းနစက ကင်းစက်လှေများသည် နတ်မြစ်ထဲသို့ ၀င်လာသည့် သစ်နှင့် နွားဘုတ်ဟူသမျှကို လိုက်လံ စစ်ဆေးမှုများ ပြုလုပ်နေပြီး၊ နေပြည်တော် အထူးတပ်ဖွဲ့မှ ပါမိတ် မခံလာသည့် ဘုတ်များကို လိုက်လံ ဖမ်းဆီးလျက်ရှိကြောင်း သူက ထပ်မံ ပြောကြားခဲ့သည်။

နယ်စပ် သတင်းရပ်ကွက်များ၏ အဆိုအရ အဆိုပါ နစကတပ်ဖွဲ့များမှာ လွန်ခဲ့သော ရက်သတ္တပတ် အတွင်း သစ်နှင့် နွားတင်ဆောင် လာသည့် ဘုတ်(၃) စီးကို ဘင်္ဂလာ ရေပိုင်နက်ထဲရှိ ရှင်မဖြူကျွန်း အနီးတွင် ချင်းနင်းဝင်ရောက် ဖမ်းယူသွားခဲ့ကြောင်း သိရှိရသည်။

ထိုသို့ နစကတပ်ဖွဲ့ဝင်များက နတ်မြစ်ဝတွင် အချက်ကောင်းစောင့်ကာ ဖမ်းဆီးမှုများ ပြုလုပ်နေခြင်းကြောင့် နေပြည်တော်အထူးတပ်ဖွဲ့မှ ပါမိတ်မခံနိုင်သည့် သစ်နွားဘုတ်များမှာ နတ်မြစ်ထဲသို့ တိုက်ရိုက်မ၀င်ရဲကြပဲ ဘင်္ဂလာရေကြောင်းဘက်မှ ပတ်ဝင်ကာ ဘင်္ဂလာ ကမ်းခြေစောင့်တပ်ဖွဲ့များ၏ လိုက်လံစောင့်ကြပ်ပေးမှုဖြင့်သာ ၀င်ရောက်နေကြရကြောင်း သိရှိရသည်။

ဘင်္ဂလာဒေ့ရှ် နိုင်ငံသား နယ်စပ်ကုန်သည် တစ်ဦးက “နစကတွေ ဘင်္ဂလာ ရေပိုင်နက် ထဲကိုတောင် ၀င်ပြီး သောင်းကျန်းနေတော့ ဟိုဖက်က ဘုတ်တွေက မလာရဲ ဖြစ်နေကြတယ်။ ဒါကြောင့် အဲဒီဘုတ်တွေကို အေးအေးဆေးဆေး ဒီဘက်ကို ၀င်လာနိုင်အောင် ဒီဘက်က ကမ်းစောင့် တပ်ဖွဲ့တွေကို တာကာငွေ ၅၀၀၀ စီ ပေးပြီး စောင့်ကြပ်ပေးဖို့ တောင်းပန် ထားရတယ်” ဟုပြောသည်။

ရခိုင် ကုန်သည်များ၏ အဆိုအရ ပင်လယ်ပြင်ကိုဖြတ်ပြီး တစ်ဘက်နိုင်ငံသို့ မှောင်ခို ကုန်တင်ပို့ နေကြရခြင်းမှာ နအ ဖစစ်အာဏာပိုင်များမှ ပြည်တွင်း၌ လွတ်လပ်စွာ ကုန်သွယ် ရောင်းဝယ်မှုကို ကန့်သတ်ထားပြီး စီးပွါးရေးလုပ်ငန်းဟူသမျှကို လက်ဝါးကြီး အုပ်ထားသည့် အတွက်ကြောင့် ဖြစ်သည်။

နအဖ၏ နေပြည်တော်အထူးတပ်ဖွဲ့မှာ ရခိုင်ပြည်နယ်အတွင်း စစ်တွေ၊ မောင်တော၊ တောင်ဂုတ် နှင့် ဂွ မြို့များတွင် ရုံးစိုက်ထားပြီး၊ ပြည်နယ်အတွင်း လယ်ယာမြေသိမ်းမှုများနှင့် ပုဂ္ဂလိက စီးပွါးရေး လုပ်ငန်းများ၊ ကုန်သွယ်မှုများမှ အကောက်ခွန် စည်းကြပ်မှုများကို အဓိက ဦးဆောင်ဦးရွက် ပြုလျက်ရှိကြောင်း စုံစမ်းသိရှိရသည်။